E NA o le valu tausaga o Iosia ae fai o ia ma tupu o le ituaiga e lua i saute o Isaraelu. E laitiiti tele o ia e fai ma tupu. I le amataga na fesoasoani ni tagata matutua i a te i a ia pulea le nuu.

Ina ua fitu tausaga talu ona fai Iosia ma tupu sa amata loa ona ia saili i a Ieova. Na ia mulimuli i faataʻitaʻiga a tupu lelei e pei o Tavita, Iosefatu ma Esekia. Ma a o talavou pea o ia, na fai ai e Iosia se mea malosi tele.

Mo se taimi umi, o le toatele o tagata Isaraelu na leaga tele i latou. Sa latou tapuai i atua sese ma ifo i tupua. O lea na o atu Iosia ma ona tagata ma amata ona aveese tapuaiga sese mai le nuu. O se galuega tele lenei auā e toatele tagata e tapuai i atua sese. E mafai ona e vaai atu i a Iosia ma ona tagata o loo tāina ia tupua.

Ina ua uma, sa tofia e Iosia ni tamaloloa se toatolu e vaaia le galuega o le toe faafouina o le malumalu o Ieova. Na aoaoina tupe mai tagata e totogi ai tamaloloa mo galuega e tatau ona fai. A o latou galulue i le malumalu, na maua e le faitaulaga sili o Hilikia se mea e sili ona tāua i ina. O le tusi o le tulafono na tusia e Mose i lalo o le faatonuga a Ieova, i se taimi ua leva. Na le iloa mo ni tausaga se tele.

Na avatu le tusi i a Iosia, ma na ia fesili atu ia faitauina atu iā te ia. A o faalogologo o ia, na iloa ai e Iosia sa lei tausia e tagata tulafono a Ieova. Sa faanoanoa tele o ia i lenei mea, o lea na ia saeia ai ona ofu, e pei ona e vaai atu i ai. Ua ia fai mai: ‘Ua toasa tele Ieova i a i tatou, auā ua le tausia e o tatou tamā tulafono ua tusia i lenei tusi.’

Na faatonuina e Iosia le faitaulaga sili o Hilikia ia sueina po o ā o le a faia e Ieova i a i latou. Ua alu atu Hilikia i le fafine o Ulata le perofeta fafine, ma fesili atu iā te ia. Na ia tuuina atu iā te ia lenei feau e avatu i a Iosia: ‘O Ierusalema ma tagata uma o le a faasala talu ai ua latou tapuai i atua sese ma ua faatumuina le nuu i mea leaga. Ae talu ai ona o oe, Iosia, ua e faia le mea lelei, e le oo mai lenei faasalaga seia mavae lou oti