A o faapagotaina pea i latou i Papelonia, sa tele ni tofotofoga na oo i tagata Isaraelu ma o latou faatuatua. O Sataraka, Mesako ma Apeteniko sa lafoina i latou i le ogaumu aasa, ae na toe aumaia i latou i fafo e le Atua o feola. Mulimuli ane, ina ua mavae le toʻilalo o Papelonia i a Metai ma Peresia, na lafoina Tanielu i le lua o leona, ae na puipuia o ia e le Atua e ala i le tapunia o gutu o leona.

Mulimuli ane, ona toe faasaʻolotoina ai lea e le Tupu o Peresia o Kuresa Isaraelu. Na toe foʻi atu i lo latou laueleele ina ua mavae tausaga e 70 talu ona tafea i latou i Papelonia. O le tasi o mea muamua sa latou faia ina ua latou toe foʻi i Ierusalema o le amata lea ona toe fausia le malumalu o Ieova. Ae e ui i lea e leʻi umi ae taofia e fili a latou galuega. O lea la pe tusa e 22 tausaga talu ona mavae lo latou toe foʻi i Ierusalema ae maea loa le fausiaina o le malumalu.

Sosoo ai, tatou te aʻoaʻoina e uiga i le malaga a Esera i Ierusalema e faamatagofieina le malumalu. O lenei mea e tusa ma le 47 tausaga ina ua uma le malumalu. Ma e 13 tausaga talu ona mavae le malaga a Esera, ona fesoasoani lea o Neemia e toe fausia pa na solo i lalo o Ierusalema. O le Vaega LIMA e aofia ai le 152 tausaga o le tala faasolopito seʻia oo ai i lea taimi.