TOEITIITI lava atoa le 50,000 o tagata na malaga mai Papelonia i Ierusalema. Ina ua latou taunuu, sa matua faaleagaina Ierusalema. E leai lava se tasi na ola ai. Ua tatau i a Isaraelu ona toe fausia nei mea uma.

O le tasi o mea muamua na latou fausia o le fata faitaulaga lea. O le mea e fai ai taulaga i a Ieova. I ni nai masina mulimuli ane ai ona amata lea ona fausia e Isaraelu le malumalu. Ae o fili na ola i laueleele i tafatafa ane, na le mananaʻo ia toe fausia e Isaraelu. O lea na latou taumafai e faafefe i latou ma ia taofia ai. Mulimuli ane, na faaosoina e ia fili le tupu fou o Peresia e fai se tulafono e taofia ai le galuega o le fausiaina.

Ua 17 nei tausaga talu ona toe foʻi mai Isaraelu mai Papelonia. Na aauina atu e Ieova ana perofeta o Hakai ma Sakaria e taʻu atu i tagata ia toe amata le galuega. Na faalagolago tagata i le fesoasoani a le Atua, ma latou usiusitai i perofeta. Ua toe amata nei le galuega, e ui lava ina faapea mai le tulafono e aua le faia.

O lea na sau ai se tagata ofisa Peresia e igoa i a Tatenai ma fesili i a Isaraelu pe o le a lo latou aiā ua fausia ai le malumalu. Na taʻu atu e Isaraelu, a o i ai i latou i Papelonia, na faapea atu ia Tupu o Kuresa: ‘O ia nei, i Ierusalema ma fausia le malumalu o Ieova lo outou Atua.’

Na auina atu e Tatenai le tusi i Papelonia pe moni na fai atu Kuresa lē ua oti, e faia faapea. E leʻi umi ae maua le tusi mai le tupu fou o Peresia. Ua faapea mai e moni lava sa faia faapea e Kuresa. O lea na tusi mai le tupu: ‘Tuu pea Isaraelu e fausia le malumalu o lo latou Atua. Ma ou te poloaʻiina oe ia e fesoasoani i a i latou.’ E tusa ma le fa tausaga ae maea le malumalu, ma ua fiafia tele Isaraelu.

Ua tusa nei e 48 tausaga talu ona mavae le fausiaina o le malumalu. Ua matitiva tagata Isaraelu, ma o le aai ma le malumalu o le Atua ua le foliga manaia mai. I Papelonia, na iloa ai e Esera le Isaraelu le manaʻoga ia faamatagofie ai le malumalu o le Atua. O lea, pe e te iloa le mea na ia faia?

Na alu Esera e vaai ia Aretaseta le tupu o Peresia, ma o lenei tupu lelei na tuuina atu i a Esera ni mea alofa se tele e avatu i Ierusalema. Na fesili atu Esera i tagata Isaraelu o i Papelonia e fesoasoani iā te ia i le aveina o mea alofa i Ierusalema. Pe tusa e 6,000 tagata na o. Ma na latou aveina ario, ma auro ma mea tāua e tele.

Na popole Esera auā e i ai tagata leaga i le ala. Atonu o le a aveina e nei tagata a latou ario ma auro ma fasiotia i latou. O lea na faapotopoto ai e Esera tagata uma, e pei ona e vaai atu i ai i le ata. Ona latou tatalo atu lea i a Ieova e puipui i latou i le malaga umi i Ierusalema.

Na puipui i latou e Ieova. Sa taunuu ma le saogalemu i Ierusalema ma ua mavae le fa masina. Pe e le faaalia ai ea e mafai e Ieova ona puipui i latou o e faalagolago iā te ia mo le fesoasoani?