VAAI i filifili o loo i a Paulo, ma vaai i le fitafita Roma o loo leoleoina o ia. Ua avea Paulo ma pagota i Roma. O loo faatali o ia seia filifili Kaisara po o le ā o le a fai iā te ia. A o pagota o ia, e taga ona asiasi atu tagata iā te ia.

Tolu aso talu ona taunuu Paulo i Roma na ia auina ai se feau i taʻitaʻi Iutaia e o mai e vaai ia. O le iʻuga, ua toatele Iutaia i Roma ua o atu. Ua talaʻi Paulo i a i latou e uiga i a Iesu ma le malo o le Atua. O isi ua talitonu ma avea ma Kerisiano a o isi e lei talitonu.

Na talaʻi atu foi Paulo i fitafita eseese na leoleoina o ia. Mo le lua tausaga na i ai o ia i ina o se pagota, na talaʻi atu Paulo i tagata uma lava na te mafai ona talaʻi i ai. Ma o le iʻuga, e oo foi i le aiga o Kaisara sa faalogo i le tala lelei o le malo, na avea ai isi ma Kerisiano.

Ae o ai le tagata asiasi lena e tusitusi? Pe e mafai ona e mateina? Ioe, o Timoteo. Sa i ai foi Timoteo i le fale puipui ona o le talaʻiga o le malo, ae ua tatala nei o ia. Ma ua alu o ia e fesoasoani i a Paulo. Pe e te iloa o le ā o loo tusi e Timoteo? Sei o tatou vaai.

Pe e te manatua le aai o Filipi ma Efeso i le Tala 110? Na fesoasoani Paulo e amataina faapotopotoga Kerisiano i aai na. I le taimi nei la, a o i ai o ia i le fale puipui, e tusi e Paulo ni tusi i na Kerisiano. O loo i ai ia tusi i le Tusi Paia ma ua taʻua o le Efeso ma le Filipi. O loo faamatala atu nei e Paulo i a Timoteo mea e tusia i ana uo Kerisiano i Filipi.

O tagata Filipi na agalelei tele i a Paulo. Na latou aumaia se mea alofa mo ia i le fale puipui, ma o loo faafetai atu Paulo i a i latou mo lena mea. O Epaferoti na aumaia le mea alofa. Ae na maʻi o ia na tāli oti. Ae o lenei ua toe malosi ma sauni e toe foi i lona aiga. O le a alu o ia ma ave lenei tusi mai i a Paulo ma Timoteo pe a toe foi i Filipi.

A o i ai Paulo i le fale puipui na ia tusia isi tusi e lua o loo i ai nei i le Tusi Paia. O le tasi e mo Kerisiano i le aai o Kolose. Pe e te iloa o le a lona taʻu? O le Kolose. O le isi o se tusi totino mo lana uo mamae e igoa i a Filemoni e nofo i Kolose. O le tusi e faatatau i a Onesemo le auauna a Filemoni.

Na sola ese Onesemo mai i a Filemoni ma alu i Roma. E i ai se auala na iloa ai e Onesemo o loo i le fale puipui Paulo i ina. Na ia alu e asiasi, ma na talaʻi atu ai Paulo i a Onesemo. E lei leva ae avea foi Onesemo ma Kerisiano. Ua faanoanoa nei Onesemo ina ua ia sola ese. Pe e te iloa la o le ā o tusia e Paulo i lana tusi i a Filemoni?

O loo talosaga atu Paulo i a Filemoni ia faamagalo i a Onesemo. ‘Ua ou toe auina atu o ia iā te oe,’ o le tusi lea a Paulo. ‘Ae o le taimi nei ua le gata ina avea o ia ma sau auauna. Ae o ia foi o se uso Kerisiano lelei.’ Ina ua toe foi Onesemo i Kolose na ia avea nei tusi e lua, o le tasi mo tagata Kolose a o le isi mo Filemoni. E mafai ona tatou mafaufauina le fiafia tele o Filemoni, ina ua avea lana auauna ma Kerisiano.

Ina ua tusi Paulo i tagata Filipi ma Filemoni, na iā te ia se tala lelei moni lava. ‘O le a ou auina atu Timoteo i a te outou,’ o upu ia a Paulo i tagata Filipi. ‘Ae e le o toe mamao ona ou asiasi atu lea i a te outou.’ Ma na ia tusi i a Filemoni: ‘Ia e sauni se mea ou te nofo ai i ina.’

Ina ua saoloto Paulo na ia asiasi i ona uso ma tuafafine Kerisiano i le tele o nofoaga. Mulimuli ane ua toe faapagota foi Paulo i Roma. I le taimi lenei na ia iloa ai o le a fasiotia o ia. O lea na ia tusi i a Timoteo e alu atu faanatinati. ‘Ua ou faamaoni i le Atua,’ o le tusi lea a Paulo, ‘ma o le a tauia au e le Atua.’ I ni nai tausaga mulimuli ane ai, ona fasiotia lea o Paulo, ua toe faaumatia Ierusalema, e au a Roma.

A e tele ni mea o i le Tusi Paia. Na tuuina atu e Ieova le Atua i le aposetolo o Ioane ia tusia tusi mulimuli e aofia ai le tusi o Faaaliga. O lea tusi e uiga i le lumanai. Sei o tatou aʻoaʻoina pe o le a o taofia e le lumanaʻi.