E le gata ina taʻuina mai e le Tusi Paia tala moni na tutupu i le taimi ua mavae a e faapena foi i le lumanai. E le mafai e tagata ona faamatalaina le lumanai. O le mafuaaga lena ua tatou iloaina ai o le Tusi Paia e mai le Atua. O le a o loo taʻua e le Tusi Paia e uiga i le lumanaʻi?

O loo taʻua ai se taua tele a le Atua. I lena taua o le a faamamāina ai e le Atua le lalolagi mai mea leaga uma lava, ma tagata leaga uma, ae o le a ia puipuia i latou o loo auauna atu iā te ia. O le tupu a le Atua, o Iesu Keriso, o le a ia tagai i ai o le a fiafia auauna a le Atua i le filemu ma le fiafia, ma o le a latou le toe mamaʻi pe feoti.

E mafai ona tatou fiafia auā o le a faia e le Atua se parataiso fou i le lalolagi, a ea? A e tatau ona tatou faia se mea pe afai o le a tatou ola i lena parataiso. I le tala mulimuli o lenei tusi, o le a tatou aʻoaʻoina ai le mea e tatau ona tatou faia ma ia mafai ona tatou fiafia i mea mananaia o loo teuina e le Atua mo i latou o loo auauna iā te ia. O lea la, faitau le VAEGA 8 ma sue mea o loo valoia mai e le Tusi Paia mo le lumanaʻi.