VAEGA LUA
“Ua E Faaleagaina Loʻu Malumalu”—Faaleagaina le Tapuaʻiga Mamā
TAULAʻIGA O LE VAEGA: Leaga le tulaga faaleagaga ma amioga a tagata o Iuta ma Ierusalema
Sa alofa ma manatu mamafa Ieova i tagata Isaraelu e pei o sana “oloa tāua.” (Eso. 19:5, fpl.) Ae na latou tauia le alofa o Ieova e ala i le tapuaʻi i atua sesē i le malumalu o loo taʻua ai lona lava suafa. Sa latou matuā faatigā iā Ieova ma faia mea e taʻuvalea ai o ia. Aiseā na matuā faateteleina ai le leaga o Isaraelu? O le ā e tatou te aʻoaʻoina mai i le valoaga a Esekielu i le faaumatiaga o Ierusalema? O ā lesona e tatou te aʻoaʻoina mai i feutagaʻiga a Isaraelu ma atunuu na siʻomia ai i latou?
I LENEI VAEGA
MATAUPU 5
ʻIa E Vaai i Mea Leaga ma Inosia o Loo Latou Faia’
Sa vaaia e Esekielu ni vaaiga faanoanoa e atagia mai ai le leaga o le tulaga faaleagaga o le nuu atoa.
MATAUPU 6
ʻUa Oo Mai le Iʻuga iā te Outou’
O faatinoga faavaloaga na faia e Esekielu sa valoia ai le toʻasā o Ieova iā Ierusalema.
MATAUPU 7
ʻO le a Iloa ai e Atunuu o Aʻu Lava o Ieova’
Ae o atunuu na faifai i le suafa o Ieova ma sauāina pe faileagaina lona nuu, o le a lē sao i latou mai i āuga o a latou gaoioiga. O ā ni lesona aogā e tatou te aʻoaʻoina mai i feutagaʻiga a Isaraelu ma na atunuu?
