PUSA E AʻOAʻO AI 18A
Lapataʻiga a Ieova i le Taua Tele o Loo Faaloloʻi Mai
O loo iai i le Tusi Paia le tele o valoaga na aumaia ai lapataʻiga e faatatau i se taua tele, lea o le a tafiesea ai e Ieova ē uma e tetee iā te ia ma ona tagata. O loo taʻua i lalo nisi o na valoaga. Ia mātau mea e tutusa ai nei lapataʻiga, ma le auala na faamautinoa ai e Ieova e maua e tagata uma le avanoa e faalogo ai i lapataʻiga ma gaoioi.
ISARAELU ANAMUA
ESEKIELU: “ʻO le a ou valaau atu i se pelu e faasagatau atu iā [Koku] i oʻu mauga uma,’ ua fetalai mai ai le Alii Pule Silisili Ese o Ieova.”—Eseki. 38:18-23.
IEREMIA: “E faamasino lava e [Ieova] tagata uma. E tuuina atu foʻi e ia o ē e amioleaga i le pelu.”—Iere. 25:31-33.
TANIELU: “O le a faatūina ai e le Atua o le lagi o le malo . . . O le a ia tuʻimomomoina ma faaumatia ia malo uma.”—Tani. 2:44.
ULUAʻI SENITURI T.A.
IESU: “O le a tupu le puapuaga tele, e leai sona tusa talu le amataga o le lalolagi.”—Mata. 24:21, 22.
PAULO: ʻO Iesu faatasi ma ana agelu malolosi e faaoo maia le tauimasui i ē e lē iloa le Atua.’—2 Tesa. 1:6-9.
PETERU: “E oo mai le aso o Ieova e pei o se gaoi, . . . e faaalialia foʻi le lalolagi ma ana galuega.”—2 Pete. 3:10.
IOANE: “Ua ia [Iesu] taia foʻi atunuu i le pelu maʻai umī ua sau mai i lona fofoga.”—Faaa. 19:11-18.
ASO NEI
O le Tusi Paia e pito i tele lava gagana ua faaliliu ai, ma tele kopi ua tufatufaina atu nai lo o se isi lava tusi
O AUAUNA A IEOVA I ASO NEI . . .
-
Ua latou tufatufaina le faitau piliona o lomiga faale-Tusi Paia i le faitau selau o gagana
-
Ua latou faaalu le faitau miliona o itula i tausaga taʻitasi i le talaʻiga