PUSA E AʻOAʻO AI 16E
Mapuitigā ma Feoi, Faailogaina, Faatamaʻia—O Afea ma e Faapefea?
E iai le faataunuuga i aso nei o le faaaliga o loo i le Esekielu mataupu e 9. O lo tatou malamalama i mea o le a tutupu, o le a fesoasoani iā i tatou e fesagaʻia ai ma le mautinoa le iʻuga o lenei faiga o mea
“Mapuitigā ma feoi”
O AFEA? A o faagasolo aso e gata ai, ma a o leʻi amata le puapuaga tele
E FAAPEFEA? E faaalia i upu ma gaoioiga a tagata lotofaamaoni lo latou ʻinoʻino i amioga leaga a lenei lalolagi. O i latou nei e tali lelei mai i le galuega talaʻi, e faaauau ona latou faaaʻoaʻo i uiga o Keriso, e papatiso e faailoga ai lo latou tuuina atu iā Ieova, ma e latou te lagolagoina ma le faamaoni uso o Keriso
“Faailogaina”
O AFEA? A o faagasolo le puapuaga tele
E FAAPEFEA? O le tamāloa o loo iai le fagu vaitusi a le failautusi ua faaata mai ai Iesu Keriso, pe a afio mai o ia o le Faamasino o atunuu uma. O le a faamasinoina pe faailogaina o ni mamoe le motu o tagata e toʻatele, e faailoa mai ai o le a faasaoina i latou iā Amaketo
“Faatamaʻia”
O AFEA? I le taua o Amaketo
E FAAPEFEA? O le a faaumatia aʻiaʻi lenei lalolagi amioleaga e Iesu Keriso ma ana ʻautau faalelagi, lea e aofia ai agelu ma le 144,000 o ē e latou te pule faatasi, ma faasaoina atu tagata o le tapuaʻiga mamā i se lalolagi fou amiotonu
