PUSA E AʻOAʻO AI 20A
Le Vaevaeina o le Laueleele
O le faamatalaina auʻiliʻili o tuaoi, na faamautinoa atu ai i ē na faaaunuua, o le a latou toe foʻi i le laueleele e pele iā i latou. O ā lesona e tatou te aʻoaʻoina mai i lenei faaaliga? Ia mātau ni vala se lua:
Se tofi malupuipuia ma se tofiga tautele
Sa maua e ē uma na faaaunuua na toe foʻi se tofi i le Nuu Folafolaina na toe faafoʻisia. E faapena foʻi i aso nei, e iai uma tofi o auauna a Ieova i le parataiso faaleagaga. O le ā lava le itiiti o la tatou matafaioi i le faalapotopotoga, ae e tofu i tatou ma tofi malupuipuia ma se tofiga tautele i le laueleele faaleagaga. E tautele iā Ieova ana auauna uma.
Vaevae tutusa le laueleele
I le faaaliga a Esekielu, e tutusa faamanuiaga e maua e tagata e nofoia laueleele lauusiusi uma o le Nuu Folafolaina. E faapena foʻi i aso nei, e tutusa faamanuiaga ua foaʻi mai e Ieova i ana auauna uma i le parataiso faaleagaga.
