VAEGA TOLU
“O le a Ou . . . Aoaoina Faatasi Outou”—Folafola Mai le Toe Faafoʻisia o le Tapuaʻiga Mamā
TAULAʻIGA O LE VAEGA: Faailoa mai i valoaga a Esekielu le toe faafoʻisiaga
Ua matuā pagatia Isaraelu ma ua lē autasi ona o faiga a i latou ua liliuese mai i le tapuaʻiga moni. Ua mafatia le nuu ona o āuga o a latou gaoioiga; ua faaleagaina le tapuaʻiga mamā ma faalumaina le suafa o le Atua. E ui i na tulaga faanoanoa, ae na uunaʻia e Ieova Esekielu e faasolosolo ona faia valoaga e faailoa mai ai se faamoemoe. Na faaaogā e Ieova ata ma vaaiga ofoofogia e faalaeiau ai tagata Isaraelu na faaaunuua, ma i latou na naunau e toe faafoʻisia le tapuaʻiga mamā.
I LENEI VAEGA
MATAUPU 8
“O le a Ou Faatūina se Leoleo Mamoe e Toʻatasi”
Na faagaeeina e le Atua Esekielu e vavalo e faatatau i le Mesia, lea o le a avea ma Pule ma Leoleo Mamoe, o lē e toe faafoʻisiaina atoatoa le tapuaʻiga mamā ma tausia faapelepele mamoe a le Atua.
MATAUPU 9
“O le a Ou Tuuina Atu iā i Latou le Loto e Tasi”
Pe e iai se faataunuuga mo i tatou o valoaga na avatu i tagata Iutaia na ave faapagota i Papelonia?
MATAUPU 10
“O le a Outou Ola”
Na vaaia e Esekielu se faaaliga o se vanu e tumu i ivi mamago ua toe ola mai. O le ā lona uiga?
MATAUPU 11
“Ua Ou Tofia Oe e Fai ma Tagata Vāai”
O le ā le matafaioi ma tiute tauave a lenei tagata vāai? O le ā le lapataʻiga e tatau ona ia folafola atu?
MATAUPU 13
“Ia Faamatala Atu le Malumalu”
O le ā le uiga o le malumalu na vaaia e Esekielu i le faaaliga?
MATAUPU 14
“O le Tulafono Lenei o le Malumalu”
O ā lesona atonu na aʻoaʻoina e tagata Iutaia na faaaunuua mai i le faaaliga a Esekielu i le malumalu? O le ā ua tatou aʻoaʻoina mai i le faaaliga e faatatau i le tapuaʻiga mamā i aso nei?