E tofotofoina e Satani tagata ina ia faia mea leaga. O se tagata e manaʻo e avea ma uō a le Atua e manaʻomia ona ʻinoʻino i le mea e ʻinoʻino i ai Ieova. (Salamo 97:10) O nisi nei o mea e alofia e uō a le Atua:

Agasala tau feusuaʻiga. “Aua e te mulilua.” (Esoto 20:14) O le faia o feusuaʻiga faaleituaiga a o leʻi faaipoipo e sesē foʻi.—1 Korinito 6:18.

Onā. “[O] e onā . . . e le fai mo latou tofi le malo o le Atua.”​—1 Korinito 6:10.

Fasioti tagata, Faapaʻūtama. “Aua e te fasioti tagata.”​—Esoto 20:13.

Gaoi. “Aua e te gaoi.”​—Esoto 20:15.

Tala pepelo. E inosia e Ieova “le laulaufaiva pepelo.”​—Faataoto 6:17.

 Sauā ma le Lē Pulea o le Ita. “Ua inosia e [Ieova] . . . lē fiafia i le faasaua.” (Salamo 11:5) ‘O galuega a le tino [e aofia ai] . . . le lotoa.’​—Kalatia 5:19, 20.

Pelētupe. “Ai se tasi ua . . . matapeapea . . . aua lava neʻi tou feoai.”​—1 Korinito 5:11.

Feitagaʻiga ona o le Lanu ma le Ituaiga e Tupuga mai ai. “Ia outou alolofa atu i e ua ita mai ia te outou, ia outou tatalo foi mo e ua faasaua mai ia te outou.”​—Mataio 5:43, 44, LF.

O mea ua fetalai mai ai le Atua ia i tatou e mo lo tatou lelei. E lē faigofie i taimi uma le alofia o le faia o mea leaga. Faatasi ai ma le fesoasoani a Ieova ma le fesoasoani a ana Molimau, e mafai ona e alofia le faia o mea e faapea ona lē fiafia i ai le Atua.​—Isaia 48:17; Filipi 4:13; Eperu 10:24, 25.