Ina ia faaauau ona avea pea se tasi ma au uō, e manaʻomia ona e talanoa ma ia. E te faalogologo atu ia te ia, ma faalogologo mai foʻi o ia ia te oe. E te taʻu atu foʻi mea lelei e faatatau i lau uō i isi. E tutusa lea ma le avea o se uō a le Atua. Seʻi manatu i le mea o fai mai ai le Tusi Paia e faatatau i lenei mea:

Talanoa e lē aunoa ia Ieova i le tatalo. “Ia finafinau i le tatalo.”​—Roma 12:12.

Faitau le Afioga a le Atua, le Tusi Paia. “O tusi paia uma lava e mai le Agaga o le Atua ia, e aoga foi ia e aʻoaʻo ai, e aoai ai, e faatonu ai.”​—2 Timoteo 3:16.

Ia aʻoaʻo isi e faatatau i le Atua. “O lenei, ia outou o atu e fai nuu uma lava ma soo, . . . aʻoaʻo atu ia te i latou ia tausi i mea uma ua ou fai atu ai ia te outou.”​—Mataio 28:19, 20.

 Ia tosina vāvālalata i uō a le Atua. “O lē latou te feoai ma tagata popoto, e poto lava ia.”​—Faataoto 13:20.

Ia faatasi atu i sauniga i le Maota o le Malo. “Ia tatou manatunatu foi le tasi i le tasi, ina ia taufaatupu ai le alofa ma galuega lelei, . . . ia fefaamafanafanai.”​—Eperu 10:24, 25.

Ia fesoasoani e lagolago le galuega o le Malo. “Ia taitoatasi ma foai e pei ona filifili i lona loto; aua ma le tiga, aua foi ma le faatauanauina; auā e alofa le Atua i le ua foai ma le loto mālie.”​—2 Korinito 9:7.