O le faateteleina o timuga mamafa i le amataga o Iulai 2020 na faapogaia ai lologa ma eleele solo i Kyushu i Iapani. O lenei faalavelave na sili ona matuā aafia ai o tatou uso ma tuafāfine i aai o Minamata ma Hitoyoshi i le Setete o Kumamoto faapea le aai o Omuta i le Setete o Fukuoka. E leʻi iai se Molimau a Ieova na maliu ai ae na o se uso ma se isi tuafafine na iai ni manuʻaga laiti. E faaopoopo atu i lenā, na faaleagaina e lologa fale e 48 o o tatou uso faapea Maota mo Sauniga e lua. E lua isi Maota mo Sauniga na faaleagaina e eleele solo.

O le Komiti mo Galuega Laveaʻi a Kyushu ma Okinawa lea na tofia e le lālā i Iapani e gafa ma galuega laveaʻi o le KOVITI-19, lea ua faamaopoopoina nei le galuega laveaʻi e fesootaʻi atu i le lologa. O sui o le vaega a le Faugāfale i le Vaipanoa faapea ovasia matagaluega i lenā itulagi o loo fesoasoani atu i na galuega laveaʻi.

E tatou te tatalo o le a faaauau pea ona lagolagoina e Ieova, “le Atua o lē ua tatou tumau ai ma aumaia ai faamāfanafanaga,” o tatou uso ma tuafāfine o loo aafia i lenā faalavelave.​—Roma 15:5.