O le afā o Phailin, o le afā sili lea ona malosi na taia ai Initia i le silia i le sefulu tausaga ua mavae, ma na aafia ai ona itumalo i sasaʻe o Odisha ma Andhra Pradesh iā Oketopa 12, 2013. O le afā Vaega 4 lea na oo atu le malolosi o savili i le 140 maila i le itula, na faaleagaina ai le faitau selau afe o fale i Odisha ma faapogaia ai lologa tetele, ma a itiiti mai e 43 i latou na maliliu ai. E leai se tasi o Molimau a Ieova i nei vaipanoa na maliu pe manuʻa ai. A o leʻi taia le talafatai i le afā o Phailin, na faamaopoopo e le ofisa o le lālā a Molimau a Ieova se komiti o fesoasoani laveaʻi, ina ia fesoasoani e aveese mai le tusa ma le 70 Molimau mai i le itumalo e latalata i le talafatai o Andhra Pradesh. O i latou na aveesea mai i o latou fale sa faamautū i fale o isi uso ma tuafāfine Molimau a Ieova.

Media Contact(s):

International: J. R. Brown, Office of Public Information, tel. +1 718 560 5000

India: Tobias Dias, tel. +91 9845476425