Iā Ianuari 2021, na faasilasila ai e le Vaega Pule le tatalaina o le tusi ma le polosiua Se Olaga Fiafia e Faavavau! Ua saunia nei lomiga i se auala faatalanoa, ma ua fesoasoani iā i tatou ia atili uigā ai le auala e faia ai suʻesuʻega faale-Tusi Paia.

E iai ni vaega fou ua faaopoopo i le JW Library, ina ia faaoso naunau ma faafaigofie atili ai le faaaogāina o lenei tusi ma le polosiua i luga o masini faaonapōnei, e le tagata aʻoga ma le faiaʻoga. Ia faaalu se taimi e faamasani ai i nei vaega fou.

• Pe e te manaʻo e faasino i lau tagata aʻoga se manatu patino mai i se lesona? Oomi le palakalafa, ona oso aʻe lea o faailoga eseese i le pito i luga. Oomi le faailoga Share ina ia lafo atu ai le link o le palakalafa lea e te manaʻo e lafo.

• Pe e te lua fia faalogologo ma lau tagata aʻoga i le faitauina o se palakalafa ua uma ona puʻeina? Oomi le palakalafa, ona oso aʻe lea o faailoga eseese i le pito i luga. Oomi le faailoga Play ina ia faalogologo ai i le palakalafa ua uma ona puʻeina.

• Atonu o loo faaaogā mai e lau tagata aʻoga le lomiga ua uma ona lolomi, a o lea e te faaaogāina le lomiga i luga o se masini faaonapōnei. E mafai foʻi ona e iloa foliga o le lomiga o loo faaaogā mai e lau tagata aʻoga, e ala i le oomi o togitogi o loo i le pito i luga i le itu taumatau, ona oomi lea o le vaega Printed Edition (lomiga ua uma ona lolomi). Ina ia toe foʻi i le Digital Edition, (lomiga i masini faaonapōnei) toe oomi togitogi o loo i le pito i luga i le itu taumatau.

• Pe e te manaʻo e fesoasoani i lau tagata aʻoga ina ia fai ni faamaumauga o lona agaʻigaʻi i luma, i lana lomiga o loo i le masini faaonapōnei? Ia faalaeiau e faaaogā pusa ua saunia mo le aso na uma ai le lesona, po o ni sini e manaʻo e ausia. E mafai foʻi ona ia faaaogāina le faasologa “Faamaumauga o Laʻu Faitauga Tusi Paia.”