Iā Iuni 1, 2023, na aumaia ai e le Matagaluega o Siʻosiʻomaga ma Faasao a Niu Ioka le faatagaga, e aveese ai laau na tātuu i lalo mai i le mea o le a faia ai le galuega i Ramapo. Na māeʻa le tātuuina i lalo o laau iā Mati 18, a o toe lua vaiaso uma le taimi faatulagaina e mafai ai ona tātuu laau.

Na taʻua e le uso o Robert McRedmond, o le sooupu o le Komiti mo Faugāfale Tetele (CPC) mo le galuega i Ramapo: “I galuega tetele faapea, o taimi uma lava e maua ai se faatagaga e faia ai se mea, o le vave foʻi lenā ona amata o le galuega faufale. Ua matou vaaia le fesoasoani a Ieova i le foʻiaina o le tele o tulaga na ono faafaigatā ai le galuega, ma e matou te tulimataʻia lana fesoasoani i nisi luʻi i le lumanaʻi.”—Isaia 57:14.

O loo galulue pea le CPC faatasi ma i latou o loo i ofisa o le malo, ina ia maua uma faatagaga manaʻomia mo le galuega.