Na faasilasila mai e le Vaega Pule a Molimau a Ieova, na latou valaaulia nisi o lālā ina ia auai i se polokalame e faataʻitaʻi ai le toe amataina o sauniga a faapotopotoga i Maota mo Sauniga. E filifilia e na lālā Maota mo Sauniga i vaipanoa e toʻatele ai tagata ua faia tui puipui, ma e toʻaitiiti e aafia i le faamaʻi. O vala uma o lenei polokalame, e faia e tusa ai ma tulafono a malo mo na vaipanoa e faatatau i le aofaʻi o tagata e mafai ona faapotopoto faatasi i se fale. Na faia lenei faasilasilaga i aiga Peteli i le lalolagi aoao i le Aso Faraile, Oketopa 15, 2021.

O iʻuga e maua mai i lenei polokalame, o le a iloilo ai pe e mafai ona faataga nisi faapotopotoga e toe amata sauniga i le Maota mo Sauniga. Na taʻua foʻi i lenā faasilasilaga, o le toʻatele o faapotopotoga o le a faaauau pea ona usitaʻia faasāsāaga i mea e fai a le faalapotopotoga seʻia oo iā Ianuari 1, 2022.

E tatou te matuā talisapaia le manatu mamafa o le Vaega Pule i lo tatou ʻauuso i le lalolagi aoao, ma le auala atamai ua latou filifilia e faasolosolo ai ona toe amata mea e fai a le faalapotopotoga. Faamolemole ia tatalo ina ia faaauau pea le taʻitaʻiga a Ieova ma lana faamanuia, i nei sauniuniga.—Faataoto 14:16.