FEPUARI 3, 2022
RUSIA

LIPOTI LATA MAI | O le Pisi i Mea Faaleagaga na Maua ai Pea e le Uso o Andrey Vlasov se Vaaiga Saʻo

PLAY

Iā Iulai 26, 2022, na teena ai e le Faamasinoga a Kemerovo le apili a le uso o Andrey Vlasov. O loo iai pea o ia i le falepuipui.

Iā Me 23, 2022, na faasalaina ai e le Faamasinoga Faaitumalo a le Aai o Prokopyevsk Andrey i le fitu tausaga i le falepuipui. Na amata i le taimi lenā lana faasalaga.

Mea na Tutupu

Iulai 2, 2020

Molia ai Andrey, ona o le masalomia i le faamaopoopoina o galuega a se faalapotopotoga faatupu faalavelave
Iulai 12, 2020

Osofaʻia ma suʻe ai e leoleo o le FSB le fale ma le fale faigaluega o Andrey, ma ave masini faaonapōnei ma Tusi Paia. Na ave o ia ma taofia mo sina taimi i se falepuipui, a o suʻesuʻeina e leoleo lana avā o Nataliya
Iulai 14, 2020

Tatala mai i le falepuipui ma nofo vaavaaia i lona fale
Iuni 9, 2021

Amata ai le faamasinoga

Talaaga

Andrey Vlasov

Tausaga Fanau: 1968 (Prokopyevsk, i le vaipanoa o Kemerovo)

Talaaga o le Soifuaga: E fiafia i musika ma tusi ata. Sa galue foʻi o se tagata puʻeata

Na faia e lona uso laʻitiiti lana suʻesuʻega faale-Tusi Paia. Na papatiso Andrey i le 1991. Na faaipoipo ma Nataliya i le 2003

Ana Faamatalaga

Na faapefea ona e maua pea se vaaiga saʻo?

E fesoasoani le faapisi o loʻu taimi i le tele o mea e fai. Ou te faitauina le Tusi Paia, matamata i vitiō a le tatou faalapotopotoga, tusi ata, ma faalogologo i lomiga ua uma ona puʻeina. Ou te faia foʻi feʻau i le fale, taalo i le chess, le suʻiina o mea eseese, ma taaloga e faagaoioi ai le mafaufau.

Ua faapefea ona faalaeiauina oe e ou uso ma tuafāfine Kerisiano?

E faalaeiauina aʻu pe a faapea mai uso ma tuafāfine o loo latou tatalo mo aʻu, e faamalosia i latou i le auala o loo oʻu faaalia ai le faatuatua, ma e latou te mananaʻo foʻi e tumau ma le faamaoni iā Ieova.

O ā mau o le Tusi Paia e sili ona pāʻia ai lou loto, ma ua faapefea ona aogā iā te oe?

Na fesoasoani le 1 Peteru 4:12-14 iā te aʻu ma laʻu avā i le taimi na osofaʻia ma suʻesuʻe ai e leoleo lo ma fale, ma le tele o faamasinoga sa fai. . . . Na ma tusia i lalo mau ma tuu i se mea e faigofie ona vaai atu i ai. A o oʻu nofo vaavaaia i le fale, e ma te manatunatu ma laʻu avā i na upu ma manatua ai e lē tuulafoaʻia i maʻua e Ieova. Na faamalosia aʻu i upu o loo i le Isaia 40:10-13, a o ou iai i le falepuipui mo sina taimi. Na pei na upu o se suāuu mālū lea na faatoʻafilemu ai loʻu lotoatuatuvale.

Maʻeu se faaeaga o le avea o i tatou ma se ʻaufaigaluega faatasi ma Andrey ma isi uso ma tuafāfine i Rusia ma Crimea, a o latou tutumau ma le olioli i le faatuatua!—2 Korinito 1:24.

E te Ono Fiafia Foʻi

TALA FOU

Faafalepuipui Ona o lo Latou Faatuatua—Rusia

Ua faafalepuipuiina Molimau a Ieova i Rusia ona o lo latou faatuatua. Ia faitau i mea na tutupu, ma ia maua se kopi o le lisi o igoa o Molimau o loo i le falepuipui.

TALA FOU