Ua lata ina māʻea le faamasinoga na toe faia o Molimau a Ieova e toʻa 16 i Taganrog. Ua silia i le lua tausaga o tulaʻi nei Molimau i luma o le faamasinoga ona ua molia i le faia o la latou tapuaʻiga. O nisi ua feagai ma faasalaga faafalepuipui ma faasalaga mamafa tau tupe. Ua faapefea ona aafia nei Molimau a Ieova, ona o le umi ona faia o nei faamasinoga? O ā ni aafiaga pe afai e faasalaina i latou?