Iā Tesema 14 2021, na tuuina mai ai e le Komiti o Aiā Tatau a Malo Aufaatasi le faaiʻuga ua solia e le malo o Tajikistan le aiā tatau a le uso o Tierri Amedzro, e ala i le puʻea o ia ma tipoti i Kazakhstan.

Na manatu le komiti, na puʻea Tierri e aunoa ma lona solia o se tulafono, ma ua solia ai le Maliega Faavaomalo a Malo Aufaatasi i Aiā Tatau a Tagatānuu ma Aiā Tatau Faapolotiki. Na faapea mai le komiti e lē mafai e le malo ona taofia le toe foʻi o Tierri i Tajikistan pe a manaʻo ai. Ua tatau nei i le malo o Tajikistan “ona faia mea uma e manaʻomia, ina ia taofia ai le toe solia o aiā tatau a so o se tagata i le lumanaʻi.”

Na osofaʻia e leoleo o le malo o Tajikistan, se fale na faia ai se sauniga a Molimau a Ieova iā Oketopa 4, 2018. Na latou puʻea ai Tierri, ma suʻesuʻeina o ia i le ofisa autū o le Komiti e Vaaia le Saogalemu o le Atunuu. Iā Oketopa 16, 2018 na faasalaina ai e se faamasino Tierri ona o se moliaga sesē e faapea, na malaga atu o ia i Tajikistan e aunoa ma se pemita. O Tierri o se tagatānuu o Rusia na faigaluega i Tajikistan.

Na faasalaina e le faamasino Tierri ma faatonuina ina ia tipoti o ia i Kazakhstan.

Na faapea mai Tierri, “Talosia ae avea le faaiʻuga a le komiti o Malo Aufaatasi, ma mea e amanaʻia ai e le malo o Tajikistan le saʻolotoga o tagata e tapuaʻi ai. O le a mafai ai e o tatou uso ona tapuaʻi iā Ieova ma le filemu o le mafaufau.”

E toʻatasi le uso o loo faafalepuipui i Tajikistan ona o lona faatuatua.

E tatou te mautinoa e foaʻi atu pea e Ieova le filemu i o tatou uso o loo onosaia faafitauli.—Isaia 26:3.