Ioe. O Molimau a Ieova uma e talaʻi pe aʻoaʻo atu, lea e aofia ai ma le faitau miliona o fafine. E pei ona valoia e le Tusi Paia, “o fafine e folafolaina atu le tala lelei, o le ʻautau e toʻatele i latou.”​—Salamo 68:11.

 Ua mulimuli fafine Molimau a Ieova i aso nei i faaaʻoaʻoga o fafine i taimi o le Tusi Paia. (Faataoto 31:10-​31) E ui e lē avea i latou ma taʻitaʻi i le faapotopotoga, ae o loo fai so latou sao atoatoa i le galuega talaʻi. E latou te aʻoaʻo foʻi a latou fanau i mataupu silisili o le Tusi Paia. (Faataoto 1:8) Ua galulue mamafa fafine Molimau e avea ma faaaʻoaʻoga lelei, i a latou upu ma gaoioiga.​—Tito 2:​3-5.