E leai. E faitau miliona tagata na soifua i senituri ua mavae e lē o ni Molimau a Ieova, o le a maua le avanoa e faasaoina ai. Ua faamatala mai i le Tusi Paia e faapea, i le lalolagi fou ua folafolaina mai e le Atua, o le a ʻtoetutū mai ai tagata amiotonu ma tagata amiolētonu.’ (Galuega 24:15) E lē gata i lea, e toʻatele tagata o loo soifua i le taimi lenei e mulimuli ane auauna i le Atua ma e mafai foʻi ona faasaoina. E tusa po o le ā le tulaga, ae e lē o iā i tatou le aiā e faamasino ai po o ai e faasaoina pe e lē faasaoina. O le matafaioi tutasi lenā o loo iā Iesu.—Ioane 5:22, 27.