Faamatalaga mo Ofisa ma Maimoaga
E matou te valaaulia ma le faaaloalo oe e maimoa i a matou ofisa ma fale lomitusi. Suʻe nofoaga ma taimi o maimoaga.
Toe Amata Maimoaga: Na toe amata maimoaga i a matou ofisa o le lālā i le tele o atunuu iā Iuni 1, 2023. Mo nisi faamatalaga, ia faafesootaʻi le lālā o loo e fia asiasi i ai mo se maimoaga. Faamolemole aua e te asiasi i se lālā pe afai ua e maua i le KOVITI-19, aafia i āuga o le fulū, pe na e iai faatasi talu ai nei ma se tagata o loo maua i le KOVITI-19.
Iunaite Setete o Amerika
I lenei itulau
Faamatalaga mo Maimoaga
Mataaga
Maimoaga e Faia e le Tagata Lava ia i Warwick
Le Tusi Paia ma le Suafa o le Atua. O lenei mataaga o loo faaalia ai ni Tusi Paia e sili ona tuai, ma o loo faamatilatila ai le auala na faasaoina ai le suafa o le Atua i le Tusi Paia e ui i taumafaiga a tagata e aveesea lenā suafa. E fai ma sui mea o loo i lenei mataaga a o faagasolo le tausaga, ma o loo iai isi Tusi Paia e sili ona tuai ma mea e fesootaʻi atu i le Tusi Paia.
O Tagata mo le Suafa o Ieova. O lenei mataaga o loo iai ni ata o le talafaasolopito o le tofi faaleagaga o Molimau a Ieova. Ua faaalia i tusi, o ata, faamatalaga a le ʻautalaʻi, ma isi mea tuai le auala na faasolosolo ona taʻitaʻia, aʻoaʻoina, ma faamaopoopo ai e Ieova ona tagata e fai lona finagalo.
Ofisa Ulu—Galuega o le Faatuatua. O lenei mataaga e faia ai ni sao o le ʻaumatamata. O loo faamatala ai galuega a komiti o le Vaega Pule, ma le auala e latou te fesoasoani ai i Molimau a Ieova e mulimuli i faatonuga a le Tusi Paia ina ia potopoto faatasi, faia isi ma soo, fafagaina i latou i meaʻai faaleagaga, ma faaalia le alofa o le tasi i le isi.
Maimoaga e Faia e le Tagata Lava ia i Patterson
Se Aai i Taimi o le Tusi Paia i le Uluaʻi Senituri. Pe na e taumānatu pe e faapeʻī le olaga o tagata a o soifua Iesu i le lalolagi? I lenei aai i taimi o le Tusi Paia, e mafai ona e mātau ma faataʻitaʻi i mea na faia e tagata i aso faisoo i se aai i le uluaʻi senituri. E fesoasoani lenei mataaga e uigā ai lau faitauga Tusi Paia.
Tupe i Taimi o le Tusi Paia i le Uluaʻi Senituri. O loo faaali i lenei mataaga ni tupe siliva i le uluaʻi senituri o loo taʻua i Tusitusiga Paia Eleni. O loo aofia ai ni faamatalaga mataʻina e faatatau i nei tupe siliva taʻitasi ma lo latou fesootaʻiga i tala o le Tusi Paia.
“E Aʻoaʻoina e Ieova Lau Fanau Uma.” O lenei mataaga e tatou te iloa ai le talafaasolopito o aʻoga ma toleniga a la tatou faalapotopotoga. Ia maimoa i auala na fesoasoani ai nei aʻoga i tagata tauofo ina ia avea o ni faiaʻoga ma toeaina lelei i faapotopotoga.
“Puipuia ma le Faamautūina Faaletulafono o le Tala Lelei.” O loo faaalia i lenei mataaga ni tala faamomoiloto o Molimau a Ieova e leʻi faalotolotolua i o latou talitonuga, e ui i teteega mai i taʻitaʻi malolosi. Ia mātau taumafaiga na faia e la tatou faalapotopotoga e faamautūina faaletulafono la tatou galuega talaʻi i le lalolagi aoao.
Tuatusi ma le Numera o le Telefoni
E te Ono Fiafia Foʻi
OLAGA I PETELI
E Valaaulia Oe e Asiasi i Fale o le Peteli i Amerika
O lenei maimoaga e aofia ai le Ofisa Ulu o Molimau a Ieova ma le lālā i Amerika.