1 Madzimambo 4:1-34
4 Zvino Mambo Soromoni akaramba ari mambo wevaIsraeri vose.+
2 Aya ndiwo machinda+ aaiva nawo: Azariya mwanakomana Zadhoki, ndiye aiva mupristi;+
3 Erihorefi naAhija, vanakomana vaShisha, ndivo vaiva vanyori;+ Jehoshafati+ mwanakomana waAhirudhi, ndiye aiva munyori wezvaiitika;
4 Bhenaya+ mwanakomana waJehoyadha aitarisira uto,+ uye Zadhoki naAbhiyatari+ ndivo vaiva vapristi;
5 Azariya mwanakomana waNatani+ aiva mukuru wevatariri, uye Zabhudhi mwanakomana waNatani aiva mupristi, shamwari+ yamambo;
6 Ahishari aitarisira imba, uye Adhoniramu+ mwanakomana waAbdha, aitarisira vaya vakanga vatorwa nokuda kwebasa rokumanikidzirwa.+
7 Zvino Soromoni aiva nevatariri gumi nevaviri vaitarisira vaIsraeri vose, uye vaigovera mambo neimba yake zvokudya. Mumwe nomumwe aifanira kugovera zvokudya mwedzi mumwe chete pagore.+
8 Aya ndiwo aiva mazita avo: Mwanakomana waHeri, kunzvimbo ine makomo yaEfremu;+
9 mwanakomana waDhekeri, kuMakazi nokuShaaribhimu+ neBheti-shemeshi+ neEroni-bheti-hanani;
10 mwanakomana waHesedhi, kuArubhoti (aiva neSoko uye nyika yose yeHeferi);+
11 mwanakomana waAbhinadhabhu, makomo ose akatevedzana eDhori+ (Tafati, mwanasikana waSoromoni, akava mudzimai wake);
12 Bhaana mwanakomana waAhirudhi, kuTaanaki+ neMegidho+ neBheti-sheyani+ rose, riri pedyo neZaretani+ muzasi meJezreeri,+ kubvira kuBheti-sheyani kusvikira kuAbheri-mehora+ kusvikira kunzvimbo yeJokmeyamu;+
13 mwanakomana waGebheri, kuRamoti-giriyedhi+ (aiva nemisha yematende yaJairi+ mwanakomana waManase, iri muGiriyedhi;+ aiva nenzvimbo yeAgobhu,+ iri muBhashani:+ maguta makuru makumi matanhatu ane masvingo nemizariro yemhangura);
14 Ahinadhabhu mwanakomana waIdho, kuMahanaimu;+
15 Ahimaazi, kwaNaftari+ (iyewo, akatora Bhasemati, mwanasikana waSoromoni, kuti ave mudzimai wake);+
16 Bhaana mwanakomana waHushai, kwaAsheri+ neBheyaroti;
17 Jehoshafati mwanakomana waParua, kwaIsakari;+
18 Shimei+ mwanakomana waEra, kwaBhenjamini;+
19 Gebheri mwanakomana waUrai, munyika yeGiriyedhi,+ nyika yaSihoni+ mambo wevaAmori,+ neyaOgi+ mambo weBhashani,+ uye paiva nomutariri mumwe chete [aitarisira vamwe vatariri vose] vaiva munyika yacho.
20 VaJudha nevaIsraeri vakanga vakawanda, vakaita sejecha riri pedyo negungwa nokuda kwokuwanda kwavo,+ vachidya nokunwa nokufara.+
21 Soromoni akava mutongi paumambo hwose, kubvira kuRwizi+ kusvikira kunyika yevaFiristiya uye kusvikira kumuganhu weIjipiti. Vaiuya nezvipo, vachishandira Soromoni mazuva ose oupenyu hwake.+
22 Zvokudya zvaSoromoni zvezuva rimwe nerimwe nguva dzose zvaiva makori+ makumi matatu efurawa yakatsetseka nemakori makumi matanhatu efurawa,
23 mombe gumi dzakakora nemombe makumi maviri dzaifudzwa kumafuro nemakwai zana, tisingabatanidzi nondo hono+ nemhara+ nemhembwe nehaya dzakakodzwa.
24 Nokuti aitonga zvinhu zvose kurutivi rwuno rwoRwizi,+ kubvira kuTifsa kusvikira kuGaza,+ nemadzimambo ose aiva kurutivi rwuno rwoRwizi;+ uye akava norugare+ munzvimbo yake yose, kumativi ose.
25 Zvino vaJudha+ nevaIsraeri vakaramba vachigara vakachengeteka,+ mumwe nomumwe ari pasi pomuzambiringa wake nepasi pomuonde wake,+ kubvira kuDhani kusvikira kuBheeri-shebha,+ mazuva ose aSoromoni.
26 Soromoni akava nematanga zviuru makumi mana emabhiza+ engoro+ dzake nevatasvi vemabhiza zviuru gumi nezviviri.
27 Vatariri+ ava vaipa Mambo Soromoni zvokudya navose vaiuya kutafura yaMambo Soromoni, mumwe nomumwe mumwedzi wake. Hapana chavakaita kuti chishayike.
28 Vakaramba vachiuya nebhari nouswa hwemabhiza nohwemabhiza anomhanya kwazvo,+ chero kupi zvako kwaiva nenzvimbo yacho, mumwe nomumwe maererano nebasa rake.+
29 Mwari akaramba achipa Soromoni uchenjeri+ nokunzwisisa+ uye mwoyo unonzwisisa zvakanga zvakawanda kwazvo,+ sejecha riri pamhenderekedzo yegungwa.+
30 Uchenjeri hwaSoromoni hwakanga huchipfuura kwazvo+ uchenjeri hweVokumabvazuva+ vose uye huchipfuura uchenjeri hwose hweIjipiti.+
31 Akanga akachenjera kupfuura chero mumwe munhu upi zvake, kupfuura Etani+ muEzrahi naHemani+ naKarikori+ naDhadha vanakomana vaMahori; uye mukurumbira wake wakasvika kumarudzi ose akanga akapoteredza.+
32 Aigona kutaura zvirevo zviuru zvitatu,+ uye nziyo+ dzake dzakasvika chiuru neshanu.
33 Aitaura nezvemiti, kubvira kumusidhari uri muRebhanoni+ kusvikira kumuhisopi+ unomera parusvingo; uye aitaura nezvemhuka,+ nezvezvisikwa zvinobhururuka,+ nezvezvinhu zvinofamba+ uye nezvehove.+
34 Vakaramba vachiuya vachibva kumarudzi ose kuti vanzwe uchenjeri hwaSoromoni,+ kunyange kubva kumadzimambo ose enyika akanga anzwa nezvouchenjeri hwake.+
