1 Makoronike 27:1-34
27 Vanakomana vaIsraeri maererano nokuwanda kwavo, vakuru vedzimba dzemadzibaba,+ nevakuru+ vezviuru nevemazana,+ nevatungamiriri vavo vaishumira+ mambo munyaya dzose dzemapoka evaya vaipinda nokubuda mwedzi nomwedzi kwemwedzi yose yegore, boka rimwe nerimwe raiva zviuru makumi maviri nezvina.
2 Jashobheyamu+ mwanakomana waZabdhieri ndiye aitarisira boka rokutanga romwedzi wokutanga, uye muboka rake maiva nezviuru makumi maviri nezvina.
3 Vamwe vanakomana vaPerezi,+ mukuru wevakuru vose vemapoka ebasa vaiva vomwedzi wokutanga.
4 Dhodhai+ muAhohi+ neboka rake ndivo vaitarisira boka romwedzi wechipiri, uye Mikroti ndiye aiva mutungamiriri, uye muboka rake maiva nezviuru makumi maviri nezvina.
5 Bhenaya+ mwanakomana womupristi mukuru Jehoyadha+ ndiye aiva mukuru weboka rechitatu rebasa romwedzi wechitatu, uye muboka rake maiva nezviuru makumi maviri nezvina.
6 Bhenaya+ uyu aiva murume aiva nesimba pamakumi matatu+ uye aitarisira makumi matatu; uye boka rake raitarisirwa nomwanakomana wake Amizabhadhi.
7 Mukuru wechina, womwedzi wechina aiva Asaheri,+ mwana wababa vaJoabhi,+ achiteverwa nomwanakomana wake Zebhadhiya, uye muboka rake maiva nezviuru makumi maviri nezvina.
8 Mukuru wechishanu, womwedzi wechishanu aiva Shamuhuti+ muIzrahiya, uye muboka rake maiva nezviuru makumi maviri nezvina.
9 Mukuru wechitanhatu, womwedzi wechitanhatu aiva Ira+ mwanakomana waIkeshi+ muTekoa,+ uye muboka rake maiva nezviuru makumi maviri nezvina.
10 Mukuru wechinomwe, womwedzi wechinomwe aiva Herezi+ muPeroni+ wevanakomana vaEfremu, uye muboka rake maiva nezviuru makumi maviri nezvina.
11 Mukuru wechisere, womwedzi wechisere aiva Sibhekai+ muHusha wevaZera,+ uye muboka rake maiva nezviuru makumi maviri nezvina.
12 Mukuru wechipfumbamwe, womwedzi wechipfumbamwe aiva Abhi-ezeri+ muAnatoti+ wevaBhenjamini, uye muboka rake maiva nezviuru makumi maviri nezvina.
13 Mukuru wechigumi, womwedzi wechigumi aiva Maharai+ muNetofa wevaZera,+ uye muboka rake maiva nezviuru makumi maviri nezvina.
14 Mukuru wechigumi nomumwe, womwedzi wechigumi nomumwe aiva Bhenaya+ muPiratoni wevanakomana vaEfremu,+ uye muboka rake maiva nezviuru makumi maviri nezvina.
15 Mukuru wechigumi nevaviri, womwedzi wechigumi nemiviri aiva Heridhai+ muNetofa, waOtinieri, uye muboka rake maiva nezviuru makumi maviri nezvina.
16 Vaitarisira madzinza aIsraeri+ vaiva, kuvaRubheni, Eriyezeri mwanakomana waZikri ndiye aiva mutungamiriri; wokuvaSimiyoni, Shefatiya mwanakomana waMaaka;
17 wokwaRevhi Hashabhiya mwanakomana waKemueri; wokwaAroni, Zadhoki;+
18 wokwaJudha, Erihu,+ mumwe wevakoma vaDhavhidhi;+ wokwaIsakari, Omri mwanakomana waMikaeri;
19 wokwaZebhuruni, Ishmaya mwanakomana waObhadhiya; wokwaNaftari, Jerimoti mwanakomana waAzrieri;
20 kuvanakomana vaEfremu, Hoshea mwanakomana waAzaziya; kuhafu yedzinza raManase, Joeri mwanakomana waPedhaya;
21 kuhafu yedzinza raManase raiva muGiriyedhi, Idho mwanakomana waZekariya; wokwaBhenjamini, Jaasieri mwanakomana waAbhineri;+
22 wokwaDhani, Azareri mwanakomana waJerohamu. Aya ndiwo aiva machinda+ emadzinza aIsraeri.
23 Dhavhidhi haana kuverenga vaya vaitangira pamakore makumi maviri zvichidzika, nokuti Jehovha akanga apika kuti aizoita kuti vaIsraeri vawande senyeredzi dzokumatenga.+
24 Joabhi+ mwanakomana waZeruya akanga atanga kuverenga, asi haana kupedza;+ nokuda kweizvi vaIsraeri vakatsamwirwa,+ uye kuwanda kwacho hakuna kubuda munhoroondo yemabasa emazuva aMambo Dhavhidhi.
25 Azmavheti mwanakomana waAdhieri ndiye aitarisira pfuma yamambo.+ Jonatani mwanakomana waUziya ndiye aitarisira pfuma yaiva mumunda,+ mumaguta+ nomumisha nomushongwe.
26 Ezri mwanakomana waKerubhi ndiye aitarisira vanhu vaiita basa vaiva mumunda,+ vairima ivhu.
27 Shimei muRama ndiye aitarisira minda yemizambiringa;+ Zabdhi muShifmoti ndiye aitarisira zvaiva muminda yemizambiringa zvemigove yewaini.
28 Bhaari-hanani muGedheri ndiye aitarisira minda yemiorivhi nemiti yemitsamvi+ yaiva muShefera;+ Joashi ndiye aitarisira migove yemafuta.+
29 Shitrai muSharoni+ ndiye aitarisira mapoka emombe dzaifura muSharoni; Shafati mwanakomana waAdrai ndiye aitarisira mapoka emombe dzaiva mumapani.
30 Obhiri muIshmaeri+ ndiye aitarisira ngamera;+ Jedheya muMeronoti ndiye aitarisira mbongoro hadzi.
31 Jazizi muHagri ndiye aitarisira mapoka emakwai. Ava vose vakanga vari vakuru vezvinhu zvaMambo Dhavhidhi.
32 Jonatani,+ mwana womukoma waDhavhidhi, aiva gurukota, murume ainzwisisa,+ uye aivawo munyori; Jehieri mwanakomana waHakimoni+ aiva nevanakomana vamambo.+
33 Ahitoferi+ aiva gurukota+ ramambo; Hushai+ muAki+ aiva shamwari yamambo.+
34 Ahitoferi aiteverwa naJehoyadha mwanakomana waBhenaya+ naAbhiyatari;+ uye Joabhi+ aiva mukuru weuto ramambo.
