2 Samueri 5:1-25
5 Kwapera nguva yakati, madzinza ose aIsraeri akauya kwaiva naDhavhidhi+ kuHebroni,+ akati: “Tarirai! Tiri pfupa renyu nenyama yenyu.+
2 Nezuro uye munguva yakapfuura+ Sauro paaiva mambo wedu, ndimi maitungamirira vaIsraeri muchibuda navo nokupinda navo.+ Jehovha akati kwamuri, ‘Iwe uchafudza+ vanhu vangu vaIsraeri, uye iwe uchava mutungamiriri+ wevaIsraeri.’”
3 Naizvozvo varume vakuru+ vose vaIsraeri vakauya kwaiva namambo kuHebroni, Mambo Dhavhidhi akaita sungano+ navo pamberi paJehovha vari muHebroni; vakabva vazodza+ Dhavhidhi kuti ave mambo waIsraeri.+
4 Dhavhidhi akanga aine makore makumi matatu paakava mambo. Akava mambo kwemakore makumi mana.+
5 Akava mambo waJudha ari muHebroni kwemakore manomwe nemwedzi mitanhatu;+ muJerusarema+ akava mambo wevaIsraeri vose nevaJudha kwemakore makumi matatu nematatu.
6 Naizvozvo mambo nevarume vake vakaenda kuJerusarema kunorwa nevaJebhusi+ vaigara munyika yacho, vakati kuna Dhavhidhi: “Hausi kuzopinda muno, asi mapofu nevakaremara vachakudzinga,”+ vachifunga kuti: “Dhavhidhi haasi kuzopinda muno.”
7 Kunyange zvakadaro Dhavhidhi akakunda nhare yeZiyoni,+ kureva Guta raDhavhidhi.+
8 Naizvozvo pazuva iroro Dhavhidhi akati: “Ani naani anouraya vaJebhusi,+ ngaaende nomumugero wemvura+ anosangana nemapofu nevakaremara, vanovengwa nomweya waDhavhidhi!” Ndokusaka vachiti: “Bofu neakaremara havazopindi mumba macho.”
9 Dhavhidhi akagara munhare yacho, ikanzi Guta raDhavhidhi; Dhavhidhi akatanga kuvaka mativi ose kubvira kuMurwi Wevhu+ uye nechomukati.
10 Nokudaro Dhavhidhi akaramba achingokura,+ uye Jehovha Mwari wemauto+ aiva naye.+
11 Hiramu+ mambo weTire akatuma nhume+ kuna Dhavhidhi, nemisidhari+ nevavezi vemiti nevavezi vematombo emasvingo, vakatanga kuvakira Dhavhidhi imba.+
12 Dhavhidhi akaziva kuti Jehovha akanga amusimbisa kwazvo kuti ave mambo waIsraeri+ uye kuti akanga akwidziridza+ umambo hwake nokuda kwevanhu vake vaIsraeri.+
13 Munguva iyi, Dhavhidhi akatora vamwe varongo+ nemadzimai+ muJerusarema pashure pokunge abva kuHebroni; uye Dhavhidhi akaramba achiberekerwa vamwe vanakomana nevanasikana.
14 Aya ndiwo mazita evaakaberekerwa muJerusarema: Shamua+ naShobhabhu+ naNatani+ naSoromoni,+
15 naIbhari naErishua+ naNefegi+ naJafiya,+
16 naErishama+ naEriyadha naErifereti.+
17 Zvino vaFiristiya vakanzwa kuti vakanga vazodza Dhavhidhi kuti ave mambo waIsraeri.+ VaFiristiya vose vakabva vauya kuzotsvaka Dhavhidhi. Dhavhidhi paakazvinzwa, akabva aenda kunzvimbo yakaoma kusvika.+
18 Asi vaFiristiya vakasvika, vakaramba vachifamba-famba mubani revaRefaimu.+
19 Dhavhidhi akabvunza Jehovha,+ achiti: “Ndiende kunorwa nevaFiristiya here? Muchavaisa muruoko rwangu here?” Jehovha akati kuna Dhavhidhi: “Enda, nokuti chokwadi ndichaisa vaFiristiya mumaoko ako.”+
20 Naizvozvo Dhavhidhi akasvika kuBhaari-perazimu,+ Dhavhidhi akavauraya ikoko. Akabva ati: “Jehovha aputsa vavengi vangu+ pamberi pangu, sepakaputswa nemvura.” Ndokusaka akatumidza nzvimbo iyoyo kuti Bhaari-perazimu.+
21 Naizvozvo vakasiya zvidhori+ zvavo ipapo, Dhavhidhi nevarume vake vakazvitora.+
22 Gare gare vaFiristiya vakauyazve,+ vakafamba-famba mubani revaRefaimu.+
23 Dhavhidhi akabva abvunza+ Jehovha, asi iye akati: “Usaenda. Pota neseri kwavo, uvarwise uri pakatarisana nemakwenzi emibheka.+
24 Zvino paunonzwa mutsindo wokufora pamusoro pemakwenzi emibheka, panguva iyoyo ukurumidze,+ nokuti panguva iyoyo Jehovha achange akutungamirira kunoparadza musasa wevaFiristiya.”+
25 Naizvozvo Dhavhidhi akaita saizvozvo, sezvaakanga arayirwa naJehovha,+ akauraya+ vaFiristiya kubvira kuGebha+ kusvikira kuGezeri.+
