Ezekieri 11:1-25
11 Zvino mudzimu+ wakandisimudza,+ ukaenda neni kugedhi rokumabvazuva reimba yaJehovha rakatarira kumabvazuva,+ uye tarira! varume makumi maviri nevashanu+ vaiva pasuo regedhi racho, uye ndakaona pakati pavo paina Jaazaniya mwanakomana waAzuri naPeratiya mwanakomana waBhenaya, machinda evanhu.+
2 Iye akabva ati kwandiri: “Mwanakomana womunhu, ava ndivo varume vari kuronga zvinhu zvinokuvadza nokupa mazano akaipa okurwisa guta rino;+
3 vari kuti, ‘Kuvakwa kwedzimba hakusati kwava pedyo here?+ Guta rino igate,+ uye isu tiri nyama.’
4 “Naizvozvo vaprofitire. Profita, haiwa iwe mwanakomana womunhu.”+
5 Zvino mudzimu waJehovha wakauya pandiri,+ iye akati kwandiri: “Iti, ‘Zvanzi naJehovha:+ “Haiwa imi imba yaIsraeri, makataura chinhu chakarurama; uye ini ndinoziva zvinhu zvamunofunga mupfungwa dzenyu.+
6 Makaita kuti vakaurayiwa venyu muguta rino vave vazhinji, uye makazadza migwagwa yaro nevakaurayiwa.”’”+
7 “Naizvozvo zvanzi naChangamire Ishe Jehovha, ‘Vakaurayiwa venyu vamakaisa pakati paro, ndivo nyama yacho,+ uye iro ndiro gate racho;+ uye imi muchabudiswa mukati maro.’”+
8 “‘Makatya bakatwa,+ asi ini ndichaunza bakatwa pamusoro penyu,’ ndizvo zvinotaura Changamire Ishe Jehovha.+
9 ‘Ndichakubudisai pakati paro, ndokuisai mumaoko evanhu vamusingazivi,+ ndokuitirai zvakatongwa.+
10 Muchaurayiwa nebakatwa.+ Ndichakutongerai pamuganhu waIsraeri;+ uye muchaziva kuti ndini Jehovha.+
11 Iro harizovi gate+ renyu, uye imi hamuzovi nyama iri mukati maro. Ndichakutongerai pamuganhu waIsraeri,
12 uye muchaziva kuti ndini Jehovha, nokuti hamuna kufamba mumirau yangu uye hamuna kuita zvandakatonga,+ asi makaita maererano nezvakatongwa nemarudzi akakupoteredzai.’”+
13 Zvino pandakangoprofita, Peratiya mwanakomana waBhenaya akafa,+ uye ndakabva ndawira pasi nechiso changu, ndikachema nenzwi guru,+ ndikati: “Maiwe kani, haiwa Changamire Ishe Jehovha!+ Mava kuparadza chose vaIsraeri vakasara here?”+
14 Zvino shoko raJehovha rakaramba richiuya kwandiri, richiti:
15 “Mwanakomana womunhu, hama dzako,+ idzo hama dzako, varume vane hanya nekodzero yako yokudzikinura, neimba yose yaIsraeri, yose zvayo, ndivo vakanzi nevagari vomuJerusarema, ‘Endai kure naJehovha. Nyika ndeyedu; takapiwa nyika kuti ive yedu’;+
16 naizvozvo iti, ‘Zvanzi naChangamire Ishe Jehovha: “Kunyange zvazvo ndakavaisa kure pakati pemarudzi, uye kunyange zvazvo ndakavaparadzira munyika zhinji,+ ndichava nzvimbo tsvene kwavari kwenguva duku munyika dzavakaenda kwadziri.”’+
17 “Naizvozvo iti, ‘Zvanzi naChangamire Ishe Jehovha: “Ndichakuunganidzaiwo muchibva kumarudzi acho uye ndichakuunganidzai muchibva kunyika dzamakaparadzirwa kwadziri, uye ndichakupai nyika yaIsraeri.+
18 Vachaenda ikoko vobvisa zvinhu zvayo zvose zvinonyangadza nezvinhu zvayo zvose zvinosemesa zviri imomo.+
19 Ndichavapa mwoyo mumwe chete,+ uye ndichaisa mudzimu mutsva mukati mavo;+ uye ndichabvisa mwoyo wedombo munyama yavo+ ndovapa mwoyo wenyama,+
20 kuti vafambe mumirau yangu uye vachengete zvandakatonga, vozviita;+ uye vave vanhu vangu+ uye ini ndive Mwari wavo.”’+
21 “‘“Asi vaya vane mwoyo inotevera zvinhu zvavo zvinonyangadza nezvinhu zvavo zvinosemesa,+ ndichaunza nzira yavo pamisoro yavo,” ndizvo zvinotaura Changamire Ishe Jehovha.’”+
22 Zvino makerubhi+ akasimudza mapapiro awo, uye mavhiri akanga ari pedyo nawo,+ uye kubwinya+ kwaMwari waIsraeri kwakanga kuri pamusoro pawo, nechokumusoro.+
23 Kubwinya kwaJehovha+ kwakakwira kuchibva pamusoro peguta nechepakati, kukanomira pamusoro pegomo+ riri kumabvazuva kweguta.+
24 Mudzimu+ wacho wakandisimudza,+ ukazoenda neni kuKadheya kuvanhu vakanga vakatapwa,+ pane zvandakaratidzwa nomudzimu waMwari; uye zvandakanga ndaratidzwa zvakakwira zvichibva pandiri.
25 Naizvozvo ndakatanga kuudza vanhu vakanga vakatapwa zvinhu zvose zvaJehovha zvaakanga aita kuti ndione.+
