Ezra 7:1-28
7 Zvino pashure pezvinhu izvi mukutonga kwaAtashasta+ mambo wePezhiya, Ezra+ mwanakomana waSeraya+ mwanakomana waAzariya mwanakomana waHirikiya+
2 mwanakomana waSharumu+ mwanakomana waZadhoki mwanakomana waAhitubhu+
3 mwanakomana waAmariya+ mwanakomana waAzariya+ mwanakomana waMerayoti+
4 mwanakomana waZerahiya+ mwanakomana waUzai+ mwanakomana waBhuki+
5 mwanakomana waAbhishua+ mwanakomana waFiniyasi+ mwanakomana waEriyezari+ mwanakomana womupristi+ mukuru Aroni+—
6 Ezra iyeyu akabva kuBhabhironi; uye akanga ari mukopi+ ane unyanzvi womutemo waMosesi,+ wakanga wapiwa naJehovha Mwari waIsraeri, zvokuti mambo akamubvumira, zvose zvaakakumbira, maererano noruoko rwaJehovha Mwari wake rwaiva paari.+
7 Naizvozvo vamwe vevanakomana vaIsraeri nevevapristi+ nevaRevhi+ nevaimbi+ nevachengeti vemagedhi+ nevaNetinimu+ vakakwira kuJerusarema mugore rechinomwe ramambo Atashasta.+
8 Vakazosvika kuJerusarema mumwedzi wechishanu, kureva mugore rechinomwe ramambo.
9 Nokuti pazuva rokutanga romwedzi wokutanga iye akasarudza kubva kuBhabhironi, uye pazuva rokutanga romwedzi wechishanu akasvika kuJerusarema, maererano noruoko rwakanaka rwaMwari wake rwaiva paari.+
10 Nokuti iye Ezra akanga agadzirira+ mwoyo wake kuti aone kuti mutemo waJehovha+ unotii uye auite+ uye kuti adzidzise+ murau+ nokururamisira+ pakati paIsraeri.
11 Zvino iyi ndiyo kopi yetsamba iyo Mambo Atashasta akapa mupristi Ezra aiva mukopi,+ mukopi wemashoko omurayiro waJehovha nowemirau yake kuna Israeri:
12 “Atashasta,+ mambo wemadzimambo,+ kumupristi Ezra, mukopi womutemo waMwari wokumatenga:+ Rugare ngaruitwe kuti rukwane.+ Zvino
13 ndarayira+ kuti vanhu vose vari muumambo hwangu+ vevanhu vaIsraeri nevapristi vavo nevaRevhi vanoda kuenda newe kuJerusarema vaende.+
14 Sezvo murayiro wakatumirwa uchibva pamberi pamambo nemakurukota ake manomwe+ kuti vanoongorora+ pamusoro peJudha neJerusarema mumutemo+ waMwari+ wako uri muruoko rwako,
15 kuti vaunze sirivha nendarama zvakapiwa nokuzvidira namambo nemakurukota ake+ kuna Mwari waIsraeri, anogara muJerusarema,+
16 nesirivha yose nendarama zvaunowana mudunhu rose reBhabhironi pamwe chete nechipo chevanhu+ nevapristi vari kupa nokuzvidira kuimba yaMwari wavo,+ iri muJerusarema;
17 naizvozvo uchakurumidza kutenga nemari iyi nzombe,+ makondohwe,+ makwayana+ nezvinopiwa zvazvo zvezviyo+ nezvinopiwa zvazvo zvezvinonwiwa+ uye uchazvipisira paatari yeimba yaMwari wenyu,+ iri muJerusarema.+
18 “Zvino imi, muchaita+ zvose zvakanakira iwe nehama dzako neimwe sirivha nendarama zvinosara,+ maererano nezvinoda+ Mwari wenyu.
19 Endesa midziyo+ yose yaunopiwa yebasa reimba yaMwari wako pamberi paMwari kuJerusarema.+
20 Zvimwe zvose zvinodiwa zveimba yaMwari wako zvaunofanira kupa, uchazvipa zvichibva paimba yepfuma yamambo.+
21 “Zvino ini, mambo Atashasta, ndarayira+ vachengeti vose vepfuma+ vari mhiri kwoRwizi,+ kuti zvinhu zvose zvamunokumbirwa nomupristi Ezra,+ mukopi womutemo waMwari wokumatenga, zvichaitwa nokukurumidza,
22 kunyange kusvikira kumatarenda+ esirivha zana nemakori+ egorosi zana nemabhati+ ewaini+ zana nemabhati emafuta+ zana, nomunyu+ usingapimiki.
23 Zvose zvinorayirwa+ naMwari wokumatenga ngazviitwe nokushingairira+ imba yaMwari wokumatenga,+ kuti parege kuva nokutsamwirwa kwoumambo hwamambo nevanakomana vake.+
24 Muri kuziviswa kuti, kana vari vevapristi+ chero vapi zvavo nevaRevhi,+ vaimbi,+ vachengeti vemasuo,+ vaNetinimu,+ nevashandi vepaimba yaMwari iyi, havabvumirwi kutarirwa mutero, muripo,+ kana kuti mutero wenzira.+
25 “Zvino iwe, Ezra, maererano nouchenjeri+ hwaMwari wako huri muruoko rwako gadza vatambi vemhosva nevatongi kuti varambe vachitonga+ vanhu vose vari mhiri kwoRwizi, naivo vose vanoziva mitemo yaMwari wako; uye mucharayiridza munhu wose asati aiziva.+
26 Munhu wose asingaiti mutemo waMwari+ wako nomutemo wamambo, ngaakurumidze kutongerwa, rungava rufu+ kana kuti kudzingwa,+ kana kuti kuripa mari+ kana kuti kuiswa mujeri.”
27 Jehovha Mwari wemadzitateguru+ edu ngaarumbidzwe, aisa chinhu chakadaro mumwoyo+ wamambo, kuti aite kuti imba yaJehovha inake,+ iri muJerusarema!
28 Andiitira mutsa worudo+ pamberi pamambo nemakurukota ake+ nemachinda ose ane simba amambo. Ini ndakava nesimba maererano noruoko+ rwaJehovha Mwari wangu rwaiva pandiri, ndikaunganidza vakuru pakati paIsraeri kuti vaende neni.
