Genesisi 46:1-34
46 Naizvozvo Israeri navose vaiva vake vakabva, vakasvika kuBheeri-shebha,+ akabayira Mwari wababa vake Isaka+ zvibayiro.
2 Mwari akabva ataura naIsraeri nezvakaratidzwa usiku akati:+ “Jakobho, Jakobho!” iye akati: “Ndiri pano!”+
3 Akati: “Ndini Mwari wechokwadi,+ Mwari wababa vako.+ Usatya kuenda kuIjipiti, nokuti ndichakuita rudzi rukuru ikoko.+
4 Ndichaenda newe kuIjipiti uye ndichakudzosawo;+ uye Josefa achabata maziso ako.”+
5 Pashure paizvozvo Jakobho akasimuka, akabuda muBheeri-shebha, uye vanakomana vaIsraeri vakapfuurira kutakura baba vavo Jakobho nevana vavo nemadzimai avo mungoro dzakanga dzatumirwa naFarao kuti dzivatakure.+
6 Uyezve, vakaenda pamwe chete nemapoka avo ezvipfuwo nezvinhu zvavo, zvavakanga vaunganidza munyika yeKenani.+ Vakazosvika kuIjipiti, Jakobho nevana vake vose vaaiva navo.
7 Akaenda kuIjipiti nevanakomana vake nevanakomana vevanakomana vake, vanasikana vake nevanasikana vevanakomana vake, ivo vana vake vose.+
8 Zvino aya ndiwo mazita evanakomana vaIsraeri vakasvika kuIjipiti:+ Jakobho nevanakomana vake: Dangwe raJakobho raiva Rubheni.+
9 Vanakomana vaRubheni vaiva Hanoki naParu naHezroni naKami.+
10 Vanakomana vaSimiyoni+ vaiva Jemueri naJamini naOhadhi naJakini+ naZohari naShauri+ mwanakomana womukadzi muKenani.
11 Vanakomana vaRevhi+ vaiva Geshoni,+ Kohati+ naMerari.+
12 Vanakomana vaJudha+ vaiva Ere+ naOnani+ naShera+ naPerezi+ naZera.+ Asi Ere naOnani vakafira munyika yeKenani.+
Vanakomana vaPerezi vaiva Hezroni+ naHamuri.+
13 Vanakomana vaIsakari+ vaiva Tora+ naPuvha+ naYobhu naShimroni.+
14 Vanakomana vaZebhuruni+ vaiva Seredhi naEroni naJareeri.+
15 Ava ndivo vanakomana vaReya,+ vaakaberekera Jakobho muPadhani-aramu, pamwe chete nomwanasikana wake Dhina.+ Vanakomana vake nevanasikana vake vose vaiva mweya makumi matatu nemitatu.
16 Vanakomana vaGadhi+ vaiva Zifioni naHagi, Shuni naEzbhoni, Erai naArodhi naAreri.+
17 Vanakomana vaAsheri+ vaiva Imnaa naIshvha naIshvhi naBheria,+ uye kwaiva naSera hanzvadzi yavo.
Vanakomana vaBheria vaiva Hebheri naMarikieri.+
18 Ava ndivo vanakomana vaZiripa,+ uyo Rabhani akapa mwanasikana wake Reya. Kwapera nguva yakati akaberekera Jakobho ivava: mweya gumi nemitanhatu.
19 Vanakomana vaRakeri,+ mudzimai waJakobho, vaiva Josefa+ naBhenjamini.+
20 Josefa akaberekerwa Manase+ naEfremu+ munyika yeIjipiti, avo Asenati+ mwanasikana waPotifera mupristi weOni akamuberekera.
21 Vanakomana vaBhenjamini vaiva Bhira+ naBhekeri+ naAshbheri, Gera+ naNaamani,+ Ehi naRoshi, Mupimu+ naHupimu+ naAdhi.
22 Ava ndivo vanakomana vaRakeri vakaberekerwa Jakobho. Mweya yacho yose yaiva gumi nemina.
23 Vanakomana vaDhani+ vaiva Hushimu.+
24 Vanakomana vaNaftari+ vaiva Jazeeri naGuni+ naJezeri naShiremu.+
25 Ava ndivo vanakomana vaBhiriha,+ uyo Rabhani akapa mwanasikana wake Rakeri. Kwapera nguva yakati akaberekera Jakobho ivava; mweya yacho yose yaiva minomwe.
26 Mweya yose yakauya kuna Jakobho ichipinda muIjipiti yaiva iya yakabuda muchiuno make,+ tisingabatanidzi madzimai evanakomana vaJakobho. Mweya yacho yose yaiva makumi matanhatu nemitanhatu.
27 Vanakomana vaJosefa vaakaberekerwa muIjipiti vaiva mweya miviri. Mweya yose yeimba yaJakobho yakauya kuIjipiti yaiva makumi manomwe.+
28 Zvino akatuma Judha+ mberi kwake kuna Josefa kuti ape mashoko mberi kwake kuGosheni. Pashure paizvozvo vakasvika munyika yeGosheni.+
29 Josefa akabva aita kuti ngoro yake igadzirwe, akaenda kuti anosangana nababa vake Israeri kuGosheni.+ Paakazviratidza kwavari akabva awira pamutsipa wavo akaramba achichemera pamutsipa wavo.+
30 Israeri akazoti kuna Josefa: “Iko zvino ndingachifa hangu,+ zvandaona chiso chako, zvauchiri mupenyu.”
31 Josefa akabva ati kuvana vababa vake neimba yababa vake: “Regai ndiende ndiudze Farao kuti,+ ‘Vana vababa vangu neimba yababa vangu vaiva munyika yeKenani vauya kuno kwandiri.+
32 Varume vacho vafudzi,+ nokuti vakava vapfuwi vezvipfuwo;+ makwai avo nemombe dzavo nezvose zvavainazvo vauya nazvo kuno.’+
33 Farao paachakushevedzai oti, ‘Munoita basa rei?’
34 Itii, ‘Vashandi venyu vave vari vapfuwi vezvipfuwo kubvira vachiri vaduku kusvikira zvino, isu nemadzitateguru edu,’+ kuti mugare munyika yeGosheni,+ nokuti vafudzi vose vemakwai vanosemesa kuvaIjipiti.”+
