Pisarema 10:1-18
ל [Laʹmedh]
10 Haiwa Jehovha, munorambirei makamira kure?+Munorambirei makavanda munguva dzokutambudzika?+
2 Munhu akaipa anodzingirira anotambudzika achizvikudza;+Vanobatwa nepfungwa dzavakafunga.+
3 Nokuti munhu akaipa anozvirumbidza pamusoro pechido choudyire chomweya wake,+Munhu anowana mubereko usina kukodzera+ anozvirumbidza;נ [Nun]Haaremekedzi Jehovha.+
4 Munhu akaipa haatsvaki Mwari+ nokuda kwokuzvikudza kwake;Zvaanongofunga ndezvokuti: “Mwari haako.”+
5 Nzira dzake dzinoramba dzichibudirira nguva dzose.+Zvamakatonga zviri kumusoro kwaasingasvikiri;+Vose vaya vanomuvenga, anovashora.+
6 Anoti mumwoyo make: “Handizozununguswi;+Handizovi mudambudziko kwezvizvarwa nezvizvarwa.”+
פ [Peʼ]
7 Muromo wake uzere nemhiko nounyengeri nokudzvinyirira.+Zvinotambudza nezvinhu zvinokuvadza zviri pasi porurimi rwake.+
8 Anogara akavandira mumisha;Achauraya munhu asina mhosva munzvimbo dzakavanda.+ע [ʽAʹyin]Maziso ake anotsvaka munhu anotambudzika.+
9 Anoramba akavandira munzvimbo yakavanda seshumba iri munzvimbo yayo yokuvanda.+Anoramba akavandira+ kuti abate munhu anotambudzika nechisimba.Anobata anotambudzika nechisimba paanovhara mambure ake.+
10 Anotambudzika wacho anodzvinyirirwa, anokotama,Uye vazhinji vakasuruvara vanowira munzara dzakasimba dzomunhu akaipa.+
11 Iye anoti mumwoyo make:+ “Mwari akanganwa.+Avanza chiso chake.+Haazombozvioni.”+
ק [Qohph]
12 Haiwa Jehovha, simukai.+ Haiwa Mwari, simudzai ruoko rwenyu.+Regai kukanganwa vanotambudzika.+
13 Nei munhu akaipa asingaremekedzi Mwari?+Iye anoti mumwoyo make: “Hamuzoiti kuti ndizvidavirire.”+
ר [Rehsh]
14 Nokuti imi makaona zvinotambudza nenhamo.Munoramba makatarira, kuti muzviise muruoko rwenyu.+Munhu anotambudzika,+ nherera, anozviisa kwamuri.Imi makava mubatsiri wake.+
ש [Shin]
15 Tyorai ruoko rwomunhu akaipa neakashata.+Tsvakai zvakaipa zvake kusvikira musingachazviwani.+
16 Jehovha ndiMambo nokusingagumi kunyange nokusingaperi.+Marudzi akaparara munyika yake.+
ת [Taw]
17 Haiwa Jehovha, muchanzwa zvinodiwa nevanyoro.+Muchagadzirira mwoyo yavo.+Muchateerera nenzeve yenyu,+
18 Kuti mutongere nherera nomunhu akadzvinyirirwa,+Kuti munhuwo zvake wepanyika arege kuita kuti pave nokudederazve.+
