Pisarema 121:1-8
Rwiyo Rwokukwira.
121 Ndichasimudza maziso angu kuti nditarire kumakomo.+Rubatsiro rwangu ruchabva kupi?+
2 Rubatsiro rwangu runobva kuna Jehovha,+Muiti wedenga nenyika.+
3 Haangabvumiri tsoka yako kuti itsvedzemuke.+Iye anokurinda haangatsimwairi.+
4 Tarira! Haazotsimwairi kana kurara,+Iye ari kurinda Israeri.+
5 Jehovha ari kukurinda.+Jehovha ndiye mumvuri+ wako kuruoko rwako rworudyi.+
6 Zuva harizokurovi masikati,+Kana mwedzi usiku.+
7 Jehovha achakurinda pamatambudziko ose.+Acharinda mweya wako.+
8 Jehovha acharinda kubuda kwako nokupinda kwako+Kubvira zvino kusvikira nokusingagumi.+
