Pisarema 16:1-11
Miktamu yaDhavhidhi.
16 Ndichengetei, haiwa Mwari, nokuti ndakapotera kwamuri.+
2 Ndakati kuna Jehovha: “Ndimi Jehovha; kunaka kwangu hakubatsiri imi,+
3 Asi vatsvene vari munyika.Ivo, kunyange vakuru vacho, ndivo vandinofarira kwazvo.”+
4 Marwadzo anowandira vaya vanokurumidza kutevera mumwe munhu.+Handizodururi zvinopiwa zvavo zvinonwiwa zveropa,+Handizotakuri mazita avo pamiromo yangu.+
5 Jehovha ndiye chikamu chomugove wangu+ wandakapiwa nechekapu yangu.+Makabata zvakasimba mugove wangu.
6 Tambo dzokuyeresa dzakandiyerera nzvimbo dzinofadza.+Chokwadi, nzvimbo yangu inondifadza.
7 Ndicharumbidza Jehovha, akandipa zano.+Chokwadi, itsvo dzangu dzakandiruramisa usiku.+
8 Ndakaisa Jehovha pamberi pangu nguva dzose.+Nokuti ari kuruoko rwangu rworudyi, handizozununguswi.+
9 Naizvozvo mwoyo wangu unofara, uye kukudzwa kwangu kunongofara.+Nyama yangu ichagarawo yakachengeteka.+
10 Nokuti hamuzosiyi mweya wangu muSheori.+Hamuzobvumiri akavimbika wenyu kuti aone gomba.+
11 Muchaita kuti ndizive gwara roupenyu.+Kufara kunogutsa kuri pamberi pechiso chenyu;+Kuruoko rwenyu rworudyi kune zvinofadza nokusingaperi.+
