Pisarema 33:1-22
33 Haiwa imi vakarurama, shevedzerai nomufaro nokuda kwaJehovha.+Zvakakodzera kuti vakarurama varumbidze.+
2 Ongai Jehovha norudimbwa;+Muimbirei nechiridzwa chine tambo gumi.+
3 Muimbirei rwiyo rutsva;+Nyatsoridzai tambo dzacho muchishevedzera nomufaro.+
4 Nokuti shoko raJehovha rakarurama,+Basa rake rose rinoitwa nokutendeka.+
5 Iye anoda kururama nokururamisira.+Nyika izere nomutsa worudo waJehovha.+
6 Matenga akaitwa neshoko raJehovha,+Uye uto rose riri maari rakaitwa nokufema kwomuromo wake.+
7 Anounganidza mvura yomugungwa sezvinoitwa dziva,+Achiisa mvura ine mafungu mumatura.
8 Vose vaya vomunyika ngavatye Jehovha.+Vagari vose vomunyika inobereka ngavatye.+
9 Nokuti iye akataura, izvo zvikavapo;+Iye akarayira, izvo zvikamira saizvozvo.+
10 Jehovha akaputsa zano remarudzi;+Akaita kuti pfungwa dzevanhu dzikundikane.+
11 Zano raJehovha richamira nokusingagumi;+Pfungwa dzomwoyo wake dzicharamba dziripo kusvikira kuzvizvarwa nezvizvarwa.+
12 Runofara rudzi runa Mwari warwo anonzi Jehovha,+Ivo vanhu vaakasarudza kuti vave nhaka yake.+
13 Jehovha anotarira ari kumatenga,+Anoona vanakomana vose vevanhu.+
14 Ari panzvimbo isingachinji yaanogara+Anoramba akatarira vose vanogara panyika.
15 Anoumba mwoyo yavo vose zvavo;+Anofunga nezvemabasa avo ose.+
16 Hapana mambo anoponeswa nokuwanda kwemauto ehondo;+Murume ane simba haanunurwi nokuwanda kwesimba.+
17 Bhiza rinonyengera pakuponeswa,+Harigoni kupukunyutsa nokuwanda kwesimba raro guru.+
18 Tarirai! Ziso raJehovha riri kune vaya vanomutya,+Kune vaya vanomirira mutsa wake worudo,+
19 Kuti anunure mweya yavo parufu,+Uye kuti avachengetedze vari vapenyu panzara.+
20 Mweya yedu yave ichimirira Jehovha.+Iye mubatsiri wedu nenhoo yedu.+
21 Nokuti mwoyo yedu inofara maari;+Nokuti takaisa chivimbo chedu muzita rake dzvene.+
22 Mutsa wenyu worudo, haiwa Jehovha, ngauve patiri,+Sezvatakaramba takakumirirai.+
