Pisarema 70:1-5
Kumutungamiriri. Rwiyo rwaDhavhidhi, rwokuyeuchidza.+
70 Haiwa Mwari, kuti mundinunure,+Haiwa Jehovha, kuti muzondibatsira, chimbidzai.+
2 Vaya vari kutsvaka mweya wangu, ngavanyare uye vatsveruke.+Vaya vari kufarira dambudziko rangu, ngavatendeuke vanyadziswe.+
3 Vaya vari kuti: “Tsvatu waro, tsvatu waro!” ngavadzokere shure nokuda kwenyadzi dzavo.+
4 Vose vaya vari kukutsvakai, ngavapembere nomufaro vakufarirei,+Ngavagare vachiti: “Mwari ngaakudzwe!”—vaya vanoda kuponeswa nemi.+
5 Asi ini ndinotambudzika uye ndiri murombo.+Haiwa Mwari, kurumidzai kuita chimwe chinhu nokuda kwangu.+Muri mubatsiri wangu noMupukunyutsi wangu.+Haiwa Jehovha, musanyanya kunonoka.+
