Pisarema 8:1-9
Kumutungamiriri weGititi.+ Rwiyo rwaDhavhidhi.
8 Haiwa Jehovha Ishe wedu, zita renyu iguru sei panyika pose,+Imi mune kukudzwa kunorondedzerwa kumusoro kwematenga!+
2 Makaita kuti mumuromo mevana nevanoyamwa mubude simba,+Nokuda kwevaya vanokuvengai,+Kuti muregedzese muvengi neanotsiva.+
3 Pandinoona matenga enyu, iwo mabasa eminwe yenyu,+Mwedzi nenyeredzi zvamakagadzira,+
4 Munhuwo zvake+ chiiko zvamunomufunga,+Nomwanakomana womunhu wepanyika zvamunomutarisira?+
5 Makamuitawo akaderera zvishoma pane vakaita savanamwari,+Mukabva mamushongedza+ kukudzwa nokubwinya.+
6 Munoita kuti atonge mabasa emaoko enyu;+Makaisa zvose pasi petsoka dzake:+
7 Makwai nembudzi nenzombe, zvose hazvo,+Uyewo mhuka dzomusango,+
8 Shiri dzokudenga nehove dzomugungwa,+Zvose zvinopfuura nomumakwara emakungwa.+
9 Haiwa Jehovha Ishe wedu, zita renyu iguru sei munyika yose!+
