Pisarema 97:1-12
97 Jehovha ava mambo!+ Nyika ngaifare.+Zvitsuwa zvizhinji ngazvifare.+
2 Makore nezarima zvakamupoteredza;+Kururama nokururamisira ndizvo nzvimbo isingachinji yechigaro chake choumambo.+
3 Moto unoenda uri pamberi pake,+Uye unoparadza mhandu dzake dziri kumativi ose.+
4 Mheni dzake dzakavhenekera nyika inobereka;+Nyika yakaona, ikarwadziwa kwazvo.+
5 Makomo akanyunguduka sezvinoita namo nokuda kwaJehovha,+Nokuda kwaShe wenyika yose.+
6 Matenga akataura nezvokururama kwake,+Marudzi ose akaona kukudzwa kwake.+
7 Vose vaya vanoshumira chero mufananidzo upi zvawo wakavezwa ngavanyare,+Vaya vanozvirumbidza navanamwari vasina zvavanobatsira.+Mukotamirei, imi mose vanamwari.+
8 Ziyoni rakanzwa, rikatanga kufara,+Mataundi ari pasi peJudha akatanga kufara+Nokuda kwezvamakatonga, haiwa Jehovha.+
9 Nokuti imi, haiwa Jehovha, ndimi Wokumusorosoro kumusoro kwenyika yose;+Makakwira kunzvimbo yenyu yakakwirira kwazvo kupfuura vamwe vanamwari vose.+
10 Haiwa imi vanoda Jehovha,+ vengai zvakaipa.+Iye anorinda mweya yevakavimbika vake;+Anovanunura mumaoko evakaipa.+
11 Chiedza chakabudira munhu akarurama,+Uye kufara kwakabudira vane mwoyo yakarurama.+
12 Farirai Jehovha, haiwa imi makarurama,+Ongai chiyeuchidzo chake chitsvene.+
