Nehemiya 12:1-47
12 Zvino ava ndivo vaiva vapristi nevaRevhi vakaenda naZerubhabheri+ mwanakomana waSheatiyeri+ naJeshua:+ Seraya, Jeremiya, Ezra,
2 Amariya,+ Maruki, Hatushi,
3 Shekaniya, Rehumu, Meremoti,
4 Idho, Ginetoi, Abhija,
5 Mijamini, Maadhiya, Bhiriga,
6 Shemaya,+ naJoyaribhi, Jedhaya,+
7 Saruu, Amoki,+ Hirikiya, Jedhaya.+ Ava ndivo vaiva vakuru vevapristi nehama dzavo pamazuva aJeshua.+
8 VaRevhi vaiva Jeshua,+ Bhinui,+ Kadmieri,+ Sherebhiya, Judha, Mataniya,+ vaitarisira kuonga, iye nehama dzake.
9 Bhakbhukiya naUni hama dzavo vaiva pakatarisana navo nokuda kwemabasa okurinda.
10 Jeshua akabereka Joyakimu,+ Joyakimu akabereka Eriyashibhi,+ Eriyashibhi akabereka Joyadha.+
11 Joyadha akabereka Jonatani, Jonatani akabereka Jadhua.+
12 Pamazuva aJoyakimu kwaiva nevapristi, vakuru vedzimba dzemadzibaba+ vaiva: wokwaSeraya,+ Meraya; wokwaJeremiya, Hananiya;
13 wokwaEzra,+ Meshuramu; wokwaAmariya, Jehohanani;
14 wokwaMarukai, Jonatani; wokwaShebhaniya,+ Josefa;
15 wokwaHarimu,+ Adna; wokwaMerayoti, Herikai;
16 wokwaIdho, Zekariya; wokwaGinetoni, Meshuramu;
17 wokwaAbhija,+ Zikri; wokwaMiniyamini, ——; wokwaMoadhiya, Piritai;
18 wokwaBhiriga,+ Shamua; wokwaShemaya, Jehonatani;
19 uye wokwaJoyaribhi, Matenai; wokwaJedhaya,+ Uzai;
20 wokwaSereai, Karai; wokwaAmoki, Ebheri;
21 wokwaHirikiya, Hashabhiya; wokwaJedhaya,+ Netaneri.
22 Vaiva vaRevhi pamazuva aEriyashibhi,+ Joyadha+ naJohanani naJadhua+ vakanyorwa sevakuru vedzimba dzemadzibaba, uyewo vapristi, kusvikira pakutonga kwaDhariyasi muPezhiya.
23 Vanakomana vaRevhi sevakuru vedzimba dzemadzibaba+ vakanyorwa mubhuku remabasa enguva yacho, kunyange kusvikira pamazuva aJohanani mwanakomana waEriyashibhi.
24 Vakuru vevaRevhi vaiva Hashabhiya, Sherebhiya+ naJeshua mwanakomana waKadmieri+ nehama dzavo dzaiva dzakatarisana navo kuti dzirumbidze nokuonga maererano nomurayiro+ waDhavhidhi munhu waMwari wechokwadi, boka revarindi rakatarisana neboka revarindi.
25 Mataniya+ naBhakbhukiya, Obhadhiya, Meshuramu, Tarimoni, Akubhu+ vairinda sevachengeti vemagedhi,+ boka revarindi raiva panzvimbo dzokuchengetera zvinhu dzepamagedhi.
26 Ava ndivo vaivapo pamazuva aJoyakimu+ mwanakomana waJeshua+ mwanakomana waJozadhaki+ nepamazuva agavhuna Nehemiya+ nomupristi Ezra,+ mukopi.+
27 Pakutsaurirwa+ kworusvingo rweJerusarema vakatsvaka vaRevhi, kuti vavabudise munzvimbo dzavo dzose vavaunze kuJerusarema kuti vatsaurire uye vafare nokuonga+ nenziyo,+ makwakwakwa esimbi nezviridzwa zvine tambo+ noudimbwa.+
28 Vanakomana vevaimbi vakaungana vachibva muRuwa+ rwacho, kumativi ose eJerusarema nomumisha yevaNetofa,+
29 nokuBheti-girigari+ nomumaruwa eGebha+ neAzmavheti,+ nokuti kwaiva nemisha+ iyo vaimbi vakanga vazvivakira kumativi ose eJerusarema.
30 Vapristi nevaRevhi vakazvichenesa+ uye vakachenesa vanhu+ nemagedhi+ norusvingo.+
31 Ndakabva ndakwidza machinda+ aJudha parusvingo. Ndakagadzawo mapoka makuru maviri evaimbi okuonga+ nemidungwe yevanhu, rimwe raifamba kurudyi riri parusvingo richienda kuGedhi reMirwi yeMadota.+
32 Hoshaya nehafu yemachinda aJudha vakatanga kufamba vari shure kwavo,
33 pamwe chete naAzariya, Ezra naMeshuramu,
34 Judha naBhenjamini naShemaya naJeremiya;
35 uyewo pavanakomana vevapristi vaiva nemabhosvo+ paiva naZekariya mwanakomana waJonatani mwanakomana waShemaya mwanakomana waMataniya mwanakomana waMikaya mwanakomana waZakuri+ mwanakomana waAsafi,+
36 nehama dzake Shemaya naAzareri, Mirarai, Girarai, Maai, Netaneri naJudha, Hananai, vaine zviridzwa+ zvaDhavhidhi munhu waMwari wechokwadi; uye mukopi Ezra+ ari mberi kwavo.
37 PaGedhi reTsime+ uye mberi kwavo chaiko vakakwira paMatanho+ eGuta raDhavhidhi+ nepamukwidza worusvingo pamusoro peImba yaDhavhidhi kusvikira kuGedhi reMvura+ kumabvazuva.
38 Rimwe boka revaimbi rokuonga+ raifamba riri pamberi, ini ndichiritevera, pamwe chete nehafu yevanhu, tiri parusvingo nepamusoro peShongwe yeOvheni Dzokubikira+ uye kusvikira kuRusvingo Rwakafara,+
39 nepamusoro peGedhi raEfremu+ kusvikira kuGedhi reGuta reKare+ uye kusvikira kuGedhi reHove+ neShongwe yaHananeri+ neShongwe yeMeya+ uye kusvikira kuGedhi reMakwai;+ uye vakasvika vakamira paGedhi reVarindi.
40 Mapoka acho maviri evaimbi okuonga+ akazosvika akamira paimba+ yaMwari wechokwadi, neniwo nehafu yevatevedzeri vevatongi vandaiva navo,+
41 nevapristi, Eriyakimu, Maaseya, Miniyamini, Mikaya, Erioenai, Zekariya, Hananiya vaine mabhosvo,+
42 naMaaseya naShemaya, naEriyezari naUzai naJehohanani naMarikija naEramu naEzeri. Vaimbi vaiva nomutariri Izrahiya vakaramba vachiita kuti vanzwike.+
43 Pazuva iroro vakabayira zvibayiro zvakawanda,+ vakafara,+ nokuti Mwari wechokwadi akaita kuti vafare kwazvo.+ Naivowo vakadzi+ nevana+ vakafara, zvokuti kufara kweJerusarema kwaigona kunzwika kure.+
44 Uyezve, pazuva iroro kwakagadzwa varume kuti vatarisire dzimba+ dzezvinhu zvakanga zvakachengetwa,+ dzemipiro,+ dzezvibereko zvokutanga+ nedzezvegumi,+ kuti vaunganidzire madziri kubva kuminda yemaguta migove yaidiwa nomutemo+ nokuda kwevapristi nevaRevhi;+ nokuti kufara kwaJudha kwaiva nokuda kwevapristi uye nokuda kwevaRevhi+ vaishumira.
45 Vakatanga kutarisira zvavaisungirwa+ kuti vaite zvine chokuita naMwari wavo uye zvavaisungirwa kuti vaite zvine chokuita nokunatsa,+ uyewo vaimbi+ nevachengeti vemagedhi,+ maererano nomurayiro waDhavhidhi naSoromoni mwanakomana wake.
46 Nokuti pamazuva aDhavhidhi naAsafi munguva yakapfuura kwaiva nevakuru vevaimbi+ norwiyo rwokurumbidza nokuonga Mwari.+
47 VaIsraeri vose pamazuva aZerubhabheri+ nepamazuva aNehemiya+ vaipa migove yevaimbi+ nevachengeti vemagedhi+ maererano nezvaidiwa zvezuva nezuva uye vaizvitsaurira vaRevhi;+ uye vaRevhi vaizvitsaurira vanakomana vaAroni.
