VaFiripi 2:1-30
2 Zvino, kana pakati penyu paine kukurudzira chero kupi zvako muna Kristu,+ kana paine kunyaradza kworudo, kana paine kugoverana kwomudzimu,+ kana paine rudo rukuru+ netsitsi,
2 zadzisai mufaro wangu pakuti mune kufunga kwakafanana+ uye mune rudo rwakafanana, muchibatanidzwa mumweya, muchiva nokufunga kwakafanana,+
3 musingaiti chinhu nokukakavara+ kana kuzvikudza,+ asi nepfungwa dzinozvininipisa muchifunga kuti vamwe vakuru+ kwamuri,
4 musingarambi muchiva nehanya nezvinhu zvamunoda imi pachenyu,+ asi muchiva nehanya nezvinhu zvinodiwawo nevamwe.+
5 Ivai nemafungiro aya aivawo naKristu Jesu,+
6 uyo, kunyange zvazvo aivapo saMwari,+ haana kufunga nezvokubvuta, kureva kuti ave akaenzana naMwari.+
7 Aiwa, asi akazvidurura, akava somuranda,+ akava akafanana nevanhu.+
8 Kupfuura izvozvo, paakazviwana ava somunhu,+ akazvininipisa, akateerera kusvikira parufu,+ chokwadi, rufu padanda rokutambudzikira.+
9 Nokuda kwechikonzero ichochiwo Mwari akamukwidziridza kunzvimbo yepamusoro,+ akamupa nomutsa zita rinopfuura mamwe mazita ose,+
10 kuti muzita raJesu mabvi ose apfugame, evaya vari kudenga nevaya vari panyika nevaya vari pasi pevhu,+
11 uye kuti rurimi rwose rubvume pachena+ kuti Jesu Kristu ndiIshe+ kuti Mwari Baba vakudzwe.+
12 Naizvozvo, vadiwa vangu, rambai muchishandira kuponeswa kwenyu nokutya+ nokudedera, nenzira yamagara muchiteerera+ nayo, kwete pandinenge ndiripo chete, asi kunyanya pandinenge ndisipo;
13 nokuti Mwari ndiye, ari kushanda mamuri+ kuti mude uye muite zvinomufadza.+
14 Rambai muchiita zvinhu zvose musingagunun’uni+ uye musingaitirani nharo,+
15 kuti muve vasina chavanopomerwa+ nevasina mhosva, vana+ vaMwari vasina gwapa pakati pechizvarwa chisina kururama,+ chakamonyana, chamuri kupenya pakati pacho sezvinhu zvinovheneka munyika,+
16 muchiramba makabatisisa shoko roupenyu,+ kuti ndive nechikonzero chokupembera nomufaro pazuva raKristu,+ kuti handina kumhanyira pasina kana kushanda zvakaoma pasina.+
17 Zvisinei, kunyange ndiri kudururwa sechinopiwa chinonwiwa+ pamusoro pechibayiro+ nepabasa rinoitirwa vanhu vose ramakatungamirirwa kwariri nokutenda,+ ndiri kufara uye ndinofara kwazvo+ nemi mose.
18 Zvino saizvozvowo nemiwo farai, mufare kwazvo neni.+
19 Ndiri kutarisira kuti, kana Ishe Jesu achida, ndichakurumidza kukutumirai Timoti, kuti ndive mweya unofara+ pandichaziva nezvezvinhu zvine chokuita nemi.
20 Nokuti handina mumwezve ane kufunga kwakafanana nokwake achatarisira+ zvinhu zvine chokuita nemi nomwoyo wose.
21 Nokuti vamwe vose vari kuzvitsvakira zvavanoda,+ kwete zviya zvaKristu Jesu.
22 Asi munoziva uchapupu hwaakapa pamusoro pake, kuti iye akashanda neni mukuita kuti mashoko akanaka aenderere mberi, sezvinoita mwana+ anoshanda nababa vake.
23 Naizvozvo, uyu ndiye munhu wandiri kutarisira kukurumidza kutuma kana ndangoona kuti zvinhu zvichange zvakandimirira sei.
24 Chokwadi, ndine chivimbo kuti kana Ishe achida, ini ndichakurumidzawo kuuya.+
25 Zvisinei, ndinofunga kuti zvakakodzera kuti ndikutumirei Epafrodhito,+ hama yangu uye mushandi pamwe chete neni+ nomurwi pamwe chete neni,+ asi nhume yenyu nomushandi wangu pane zvandinoda,
26 zvaari kusuwa kukuonai mose uye zvaakasuruvara nokuti imi makanzwa kuti akanga arwara.
27 Chokwadi, iye akarwara zvokuda kufa; asi Mwari akamunzwira ngoni,+ chokwadi, kwete iye chete, asi neniwo, kuti ndirege kuva neshungu pamusoro pedzimwe shungu.
28 Naizvozvo ndiri kukurumidza kwazvo kumutuma, kuti pamunomuona mufarezve uye ini ndirege kuva neshungu.
29 Naizvozvo mugamuchirei+ sezvamunoita vateveri vaShe nomufaro wose; uye rambai muchida vanhu vakadaro,+
30 nokuti iye akapotsa afa nokuda kwebasa raShe, achiisa mweya wake pangozi,+ kuti atsive kwazvo kusavapo kwenyu pano kuti mundishandire.+
