VaGaratiya 4:1-31
4 Zvino ndinoti chero bedzi mugari wenhaka ari mucheche, iye haana kumbosiyana nomuranda,+ kunyange zvazvo ari ishe wezvinhu zvose,
2 asi ari pasi pevachengeti+ uye pasi pevatariri kusvikira pazuva rakafanotarwa nababa vake.
3 Saizvozvo isuwo, pataiva vacheche, tairamba tichiitwa varanda nezvinhu zvokutanga+ zvenyika.
4 Asi nguva yacho payakanyatsokwana,+ Mwari akatuma Mwanakomana wake,+ akazoberekwa nomukadzi+ uye akava pasi pomutemo,+
5 kuti asunungure nokutenga+ vaya vaiva pasi pomutemo,+ kuti isuwo, tigamuchirwe sevanakomana.+
6 Zvino zvamuri vanakomana, Mwari akatumira mudzimu+ woMwanakomana wake mumwoyo medu uye unoshevedzera kuti: “Abha, Baba!”+
7 Saka, iwe hausisiri muranda asi wava mwanakomana; uye kana wava mwanakomana, wavawo mugari wenhaka nokuna Mwari.+
8 Kunyange zvakadaro, pamakanga musingazivi Mwari,+ panguva iyoyo maiva varanda vevaya vakasikwa vasiri vanamwari.+
9 Asi zvino zvamakasvika pakuziva Mwari, kana kuti zvino zvamakasvika pakuzivikanwa naMwari,+ sei mava kudzokerazve kuzvinhu zvokutanga zvisina simba+ nezvisina basa,+ muchidazve kuva varanda vazvo?+
10 Muri kunyatsochengeta mazuva+ nemwedzi+ nemwaka nemakore.
11 Ndinokutyirai, kuti zvimwe ndakakushandirai zvakaoma pasina.+
12 Hama, ndinokukumbirai, Ivai sezvandiri,+ nokuti ndaimbovawo sezvamuri.+ Hapana chakaipa chamakandiitira.+
13 Asi munoziva kuti ndakakuzivisai mashoko akanaka nguva yokutanga nokuda kwokurwara kwangu panyama.+
14 Hamuna kuzvidza kana kupfira mate muchisema chaiva muedzo kwamuri munyama yangu; asi makandigamuchira sengirozi+ yaMwari, saKristu Jesu.+
15 Saka, mufaro uya wamaiva nawo uri kupi?+ Nokuti ndinokupupurirai kuti, kudai zvaibvira, mungadai makasvokonora maziso enyu mukandipa.+
16 Saka, ndava muvengi+ wenyu nokuti ndinokuudzai chokwadi+ here?
17 Vanoshingairira kukutsvakai,+ kwete nenzira yakanaka, asi vanoda kukuvharirai kunze kuti murege kuva neni, kuti mushingairire kutsvaka ivo.+
18 Zvisinei, zvakanaka kuti mumwe munhu ashingairire kukutsvakai nokuda kwechikonzero chakanaka+ nguva dzose, kwete chete pandinenge ndiripo+ pamwe chete nemi,
19 vana vangu vaduku,+ vandiri kurwadziwa zvakare nokusununguka kusvikira Kristu achiumbwa mamuri.+
20 Asi ndingada kuti ndivepo pamwe chete nemi iye zvino chete+ uye kuti nditaure neimwe nzira, nokuti ndavhiringidzika+ pamusoro penyu.
21 Ndiudzei, imi munoda kuva pasi pomutemo,+ Imi munoteerera Mutemo here?+
22 Somuenzaniso, zvakanyorwa kuti Abrahamu akava nevanakomana vaviri, mumwe nomushandikadzi+ uye mumwe nomukadzi akasununguka;+
23 asi chokwadi uya akaberekwa nomushandikadzi akaberekwa nenzira yenyama,+ uye mumwe akaberekwa nomukadzi akasununguka akaberekwa pachishandiswa chipikirwa.+
24 Zvinhu izvi zvinhu zvokufananidzira;+ nokuti vakadzi ava vanomirira sungano mbiri,+ imwe yakabva paGomo reSinai,+ iya inobereka vana vouranda, uye iyo ndiHagari.
25 Zvino Hagari uyu anomirira Sinai,+ gomo riri muArabhiya, uye akafanana neJerusarema ranhasi, nokuti ari muuranda+ nevana vake.
26 Asi Jerusarema+ riri kumusoro rakasununguka, uye iro ndiro amai vedu.+
27 Nokuti zvakanyorwa kuti: “Fara, iwe mukadzi ngomwa isingabereki; pururudza uye shevedzera nenzwi guru, iwe mukadzi asingarwadziwi nokusununguka; nokuti vana vomukadzi akasiyiwa vazhinji kupfuura vouya ane murume.”+
28 Zvino isu, hama, tiri vana vechipikirwa sezvakanga zvakaita Isaka.+
29 Asi zvazvakanga zvakaita panguva iyoyo uya akaberekwa nenzira yenyama paakatanga kutambudza+ uya akaberekwa nenzira yomudzimu, ndizvo zvazvakaitawo zvino.+
30 Kunyange zvakadaro, Rugwaro runotii? “Dzinga mushandikadzi nomwanakomana wake, nokuti mwanakomana womushandikadzi haangambovi mugari wenhaka pamwe chete nomwanakomana womukadzi akasununguka.”+
31 Saka, hama, isu hatisi vana vomushandikadzi,+ asi vomukadzi akasununguka.+
