VaRoma 13:1-14
13 Mweya yose ngaizviise pasi+ pevanhu vane masimba makuru,+ nokuti hapana munhu ane masimba+ asina kubvumirwa naMwari;+ vanhu vane masimba varipo vakaiswa munzvimbo dzavo dzine mwero+ naMwari.+
2 Naizvozvo uyo anoshora munhu ane masimba anorwisana nezvakarongwa naMwari; vaya vanorwisana nazvo vachatongwa.+
3 Nokuti vaya vanotonga havatyiwi nokuda kwebasa rakanaka, asi rakaipa.+ Saka, unoda kuti urege kutya munhu ane masimba here? Ramba uchiita zvakanaka,+ uye iye achakurumbidza;
4 nokuti iye mushumiri waMwari kwauri kuti zvikunakire.+ Asi kana uchiita zvakaipa,+ itya: nokuti haabati bakatwa pasina; nokuti iye mushumiri waMwari, mutsivi+ anoratidza hasha dzaMwari kumunhu ane tsika yokuita zvakaipa.
5 Naizvozvo pane chikonzero chinogombedzera chokuti muzviise pasi, kwete chete nokuda kwehasha idzodzo asiwo nokuda kwehana yenyu.+
6 Ndokusaka muchiterawo mitero; nokuti ivo vashandi vaMwari vanoshandira vanhu vose,+ vachishanda nguva dzose nokuda kwaizvozvi.
7 Ipai vose zvakavakodzera, kune anorayira mutero, mutero;+ kune anorayira muripo, muripo; kune anorayira kutyiwa, kutyiwa+ kwakadaro; kune anorayira kukudzwa, kukudzwa+ kwakadaro.
8 Musambova nechikwereti chero nomunhu upi zvake,+ kunze kwokudanana;+ nokuti iye anoda mumwe wake azadzika mutemo.+
9 Nokuti bumbiro remitemo rinoti, “Usaita upombwe,+ Usaponda,+ Usaba,+ Usachochora,”+ uye mimwe mirayiro yose iripo, inobatanidzwa mushoko iri rokuti, “Ida muvakidzani wako sezvaunozviita.”+
10 Rudo+ haruitiri muvakidzani zvakaipa;+ naizvozvo rudo kuzadzika kwomutemo.+
11 Itaiwo izvi, nokuti munoziva mwaka, kuti yatova awa yokuti mumuke+ pahope, nokuti zvino ruponeso rwedu rwava pedyo kupfuura panguva yatakava vatendi.+
12 Usiku hwafamba; kwava kuda kuedza.+ Naizvozvo ngatibvisei mabasa erima+ uye ngatishongei zvombo+ zvechiedza.
13 Ngatifambei zvakakodzera sokunge kuti masikati,+ kwete mumitambo yemafaro akanyanyisa uye kunwira kudhakwa,+ kwete muunzenza hwepabonde uye kusazvibata,+ kwete mukukakavadzana+ negodo.
14 Asi pfekai Ishe Jesu Kristu,+ uye musafanorongera kuchiva kwenyama.+
