VaRoma 9:1-33
9 Ndiri kutaura chokwadi+ muna Kristu; handisi kureva nhema,+ hana yangu zvainopupurirana neni mumudzimu mutsvene,
2 kuti ndine shungu kwazvo uye ndine marwadzo asingaperi mumwoyo mangu.+
3 Nokuti ndaizoda hangu kuti ini somunhu akatukwa, ndiparadzaniswe naKristu nokuda kwehama dzangu,+ hama dzangu panyama,+
4 idzo dziri vaIsraeri,+ dzakagamuchirwa sevanakomana,+ dzine kukudzwa+ nesungano,+ dzakapiwa Mutemo,+ dzine basa dzvene+ nezvipikirwa;+
5 idzo dzine madzitateguru+ uye kwakabva Kristu panyama:+ Mwari,+ ari pamusoro pezvose, ngaarumbidzwe nokusingaperi. Ameni.
6 Zvisinei, hazvina kuita sokunge kuti shoko raMwari rakanga rakundikana.+ Nokuti havasi vose vanobva kuna Israeri vari “Israeri” chaiye.+
7 Uyewo ivo vose havasi vana nokuti vanonzi vana* vaAbrahamu,+ asi: “Achanzi ‘mwana wako’ achavapo nokuna Isaka.”+
8 Kureva kuti, vana panyama+ havasi vana vaMwari chaivo,+ asi vana vokupikirwa+ ndivo vanonzi vana.
9 Nokuti shoko rechipikirwa rakanga rakaita sezvinotevera: “Gore rinouya panguva ino ndichauya uye Sara achava nomwanakomana.”+
10 Asi haisi nyaya iyoyo yoga, asiwo Ribheka paakabata pamuviri pemapatya+ nomurume uyu, iye Isaka tateguru vedu:
11 nokuti pavakanga vasati vaberekwa uyewo vasati vaita kana chinhu chakanaka kana chakaipa,+ kuti chinangwa chaMwari pamusoro pokusarudza chirambe chiri pana Iye anodana,+ kwete pamabasa,
12 mukadzi wacho akaudzwa kuti: “Mukuru achava muranda womuduku.”+
13 Sokunyorwa kwazvakaitwa, kuti: “Ndakada Jakobho, asi ndakavenga Isau.”+
14 Saka, tichatii? Mwari haaruramisiri here?+ Izvozvo ngazvirege kumbova zvakadaro!
15 Nokuti iye anoti kuna Mosesi: “Ndichanzwira ngoni chero wandinenge ndanzwira ngoni, uye ndichanzwira tsitsi chero wandinenge ndanzwira tsitsi.”+
16 Naizvozvo, hazvisi kuna iye anoda kana kuna iye anomhanya, asi zviri kuna Mwari+ ane ngoni.+
17 Nokuti Rugwaro runoti kuna Farao: “Nokuda kwechikonzero ichochi ndaita kuti urambe uchirarama, kuti ndiratidze simba rangu nokwauri, uye kuti zita rangu riziviswe munyika yose.”+
18 Naizvozvo, anonzwira ngoni waanoda,+ asi anorega waanoda achiva nenharo.+
19 Naizvozvo muchati kwandiri: “Nei achiri kuwanira mhosva? Nokuti ndiani akapikisa kuda kwake kwakataurwa zvakajeka?”+
20 Haiwa iwe munhu,+ saka, iwe ndiwe ani chaizvo kuti upindure Mwari?+ Chinhu chakaumbwa chingati here kune akachiumba, “Wakandigadzirirei seizvi?”+
21 Chii? Muumbi+ haana simba here pamusoro peivhu kuti aite mudziyo, mumwe unoshandiswa zvinokudzwa uye mumwe unoshandiswa zvinozvidzwa, achishandisa mukanyiwa iwoyo?+
22 Zvino, kana Mwari akashivirira nomwoyo murefu kwazvo midziyo yokuitirwa hasha yakaitwa kuti ikodzere kuparadzwa, kunyange zvazvo aida kuratidza hasha dzake uye kuita kuti simba rake rizivikanwe,+
23 kuti azivise pfuma+ yokukudzwa kwake pamidziyo+ yengoni, yaakafanogadzira nokuda kwokukudzwa,+
24 zvino zvakadini nesu vaakadana kwete chete kubva pakati pevaJudha asiwo kubva pakati pemamwe marudzi?+
25 Zvakaita sokutaurawo kwaanoita mubhuku raHosiya, kuti: “Vaya vasiri vanhu vangu+ ndichavadana kuti ‘vanhu vangu,’ uye iye akanga asingadiwi ndichamudana kuti ‘anodiwa’;+
26 uye munzvimbo mavakanzi, ‘Hamusi vanhu vangu,’ imomo vachadanwa kuti ‘vanakomana vaMwari mupenyu.’”+
27 Zvakare, Isaya anoshevedzera pamusoro paIsraeri, kuti: “Kunyange zvazvo vanakomana vaIsraeri vangava vazhinji sejecha regungwa,+ vakasara ndivo vachaponeswa.+
28 Nokuti Jehovha achaita kuti vanhu vari panyika vazvidavirire, achazviita zvizere uye asinganonoki.”+
29 Uyewo, sokutaura kwakanga kwaita Isaya kare achiti: “Kudai Jehovha wemauto+ asina kutisiyira vana, tingadai takava seSodhoma, uye tingadai takaitwa seGomora.”+
30 Saka, tichatii? Kuti vanhu vemamwe marudzi vakawana kururama,+ iko kururama kunobva mukutenda+ kunyange zvazvo vaisatevera kururama;
31 asi Israeri, kunyange zvazvo aitevera mutemo wokururama, haana kusvika pamutemo.+
32 Nokuda kwechikonzero chei? Nokuti haana kuutevera nokutenda, asi nemabasa.+ Vakagumburwa ne“dombo rokugumbura”;+
33 sokunyorwa kwazvakaitwa, kuti: “Tarirai! Ndiri kuisa muZiyoni dombo+ rokugumbura uye dombo guru remhosva,+ asi iye anoisa kutenda pariri haangaodzwi mwoyo.”+
