Zekariya 11:1-17
11 “Vhura masuo ako, haiwa iwe Rebhanoni,+ kuti moto uparadze misidhari yako.+
2 Ungudza, haiwa iwe mujunipa, nokuti musidhari wawa; nokuti miti mikuru yacho yapambwa!+ Ungudzai, imi miti mikuru yeBhashani, nokuti sango risingapindiki ratemerwa pasi!+
3 Inzwai! Kuungudza kwevafudzi,+ nokuti ukuru hwavo hwapambwa.+ Inzwai! Kudzvova kwevana veshumba vava nezenze, nokuti matenhere makuru ari pedyo naJodhani apambwa.+
4 “Zvanzi naJehovha Mwari wangu, ‘Fudza makwai anofanira kuurayiwa,+
5 anourayiwa+ nevatengi vawo kunyange zvazvo asina mhosva.+ Vaya vari kuatengesa+ vanoti: “Jehovha ngaarumbidzwe, ini pandichawana pfuma.”+ Vafudzi vawo havatomboanzwiri tsitsi.’+
6 “‘Nokuti handizonzwirizve tsitsi vagari vomunyika,’+ ndizvo zvinotaura Jehovha. ‘Naizvozvo tarirai ndichaita kuti vanhu vazviwane, mumwe nomumwe ari muruoko rweshamwari yake+ nomuruoko rwamambo wake;+ uye ivo vachaparadza nyika, uye handizovanunuri muruoko rwavo.’”+
7 Ndakakufudzirai makwai+ aifanira kuurayiwa,+ haiwa imi makwai anotambudzika.+ Naizvozvo ndakatora midonzvo miviri.+ Mumwe ndakautumidza kuti Kunaka,+ mumwe wacho ndikautumidza kuti Chisungo,+ ndikafudza makwai.
8 Ndakazobvisa vafudzi vatatu mumwedzi+ mumwe chete, mweya wangu zvawakatadza kuvashivirira,+ uye mweya yavo yakasemeswawo neni.
9 Ndakazoti: “Handizorambi ndichikufudzai.+ Riri kufa, ngarife.+ Riri kuparara, ngariparare. Kana ari aya achasara, rimwe nerimwe ngaridye nyama yerimwe raro.”+
10 Naizvozvo ndakatora mudonzvo wangu unonzi Kunaka,+ ndikautyora-tyora,+ kuti ndiputse sungano yangu yandakanga ndaita nemarudzi ose.+
11 Yakaputsika pazuva iroro, mamwe makwai+ akanga achitambudzika aiva akanditarira+ akaziva saizvozvi kuti raiva shoko raJehovha.
12 Ndakabva ndati kwavari: “Kana zvakakunakirai,+ ndipei mubayiro wangu; asi kana zvisina, regai.” Vakabva varipa mubayiro wangu, masirivha makumi matatu.+
13 Jehovha akabva ati kwandiri: “Akande munzvimbo inochengeterwa pfuma+—iwo mutengo mukuru wavakanditenga nawo sokuona kwavo.”+ Naizvozvo ndakatora masirivha acho makumi matatu ndikaakanda munzvimbo inochengeterwa pfuma paimba yaJehovha.+
14 Ndakabva ndatyora-tyora mudonzvo wangu wechipiri, Chisungo,+ kuti ndiputse ukama+ hwaiva pakati paJudha naIsraeri.+
15 Zvino Jehovha akati kwandiri: “Tora zvokushandisa zvomufudzi asina zvaanobatsira.+
16 Nokuti tarira ndichamutsa mufudzi munyika ino.+ Haazofungi nezvemakwai ari kuparara.+ Haazotsvaki maduku acho, uye haazorapi makwai akatyoka.+ Haazopi zvokudya riya rakamira, achadya nyama yerakakora,+ uye achabvisa mahwanda emakwai.+
17 Ane nhamo mufudzi+ wangu asina zvaanobatsira, iye anosiya makwai!+ Bakatwa richava paruoko rwake nepaziso rake rokurudyi. Chokwadi ruoko rwake ruchaoma,+ uye chokwadi ziso rake rokurudyi richatadza kuona zvakanaka.”
