Amosi 1:1-15
1 Aya ndiwo mashoko aAmosi,* mumwe wevanhu vaipfuya makwai vekuTekoa,+ aakaudzwa muchiratidzo chine chekuita neIsraeri mumazuva aMambo Uziya+ weJudha nemumazuva aJerobhoamu+ mwanakomana waJoashi,+ mambo weIsraeri, makore maviri kudengenyeka kwenyika kusati kwaitika.+
2 Akati:
“Jehovha achadzvova muZiyoni,Uye achakwidza inzwi rake muJerusarema.
Mafuro evafudzi achachema,Uye pamusoro peKameri pachaoma.”+
3 “Zvanzi naJehovha,‘“Handizoregi kuita zvandakasarudza pamusoro pevanhu veDhamasiko nekuti vakapanduka katatu uye kana,*Nekuti vakapura Giriyedhi nezvirei zvesimbi.+
4 Saka ndichatumira moto paimba yaHazaeri,+Uyo uchaparadza shongwe dzaBheni-hadhadhi dzakavakwa zvakasimba.+
5 Ndichatyora mazariro* eDhamasiko;+Ndichaparadza vanhu vekuBhikati-avheniNemutongi weBheti-edheni;Uye vanhu vekuSiriya vachatapwa voendeswa kuKiri,”+ anodaro Jehovha.’
6 Zvanzi naJehovha,‘“Handizoregi kuita zvandakasarudza pamusoro pevanhu veGaza,+ nekuti vakapanduka katatu uye kana,Nekuti vakatapa vanhu vese+ kuti vavaise mumaoko eEdhomu.
7 Saka ndichatumira moto parusvingo rweGaza,+Uye uchaparadza shongwe dzayo dzakavakwa zvakasimba.
8 Ndichaparadza vanhu vekuAshdhodhi,+Neuya ari kutonga ari muAshkeroni;+Uye ndicharwisa Ekroni,+Uye vaFiristiya vanosara vachaparara,”+ anodaro Changamire Ishe Jehovha.’
9 Zvanzi naJehovha,‘Handizoregi kuita zvandakasarudza pamusoro pevanhu vekuTire+ nekuti vakapanduka katatu uye kana,Nekuti vakatapa vanhu vese vakavaisa mumaoko eEdhomu,Uye nekuti havana kuyeuka sungano yehama.+
10 Saka ndichatumira moto parusvingo rweTire,Uye uchaparadza shongwe dzayo dzakavakwa zvakasimba.’+
11 Zvanzi naJehovha,‘Handizoregi kuita zvandakasarudza pamusoro paEdhomu+ nekuti akapanduka katatu uye kana,Nekuti akatevera munin’ina wake nebakatwa,+Uye nekuti akaramba kuva netsitsi;Anongoramba achivabvambura-bvambura akatsamwa,Uye anoramba akavatsamwira.+
12 Saka ndichatumira moto muTemani,+Uye uchaparadza shongwe dzakavakwa zvakasimba dzekuBhozra.’+
13 Zvanzi naJehovha,‘“Handizoregi kuita zvandakasarudza pamusoro pevaAmoni+ nekuti vakapanduka katatu uye kana,Nekuti vakatumbura vakadzi vaiva nepamuviri vekuGiriyedhi kuti vawedzere nharaunda yavo.+
14 Saka ndichabatidza moto parusvingo rweRabha,+Uyo uchaparadza shongwe dzayo dzakavakwa zvakasimba,Paine mheremhere yehondo pazuva rekurwa,Nemvura ine simba pazuva redutu.
15 Mambo wavo achatapwa pamwe chete nemachinda ake,”+ anodaro Jehovha.’
Mashoko Emuzasi
^ Kureva kuti “Kuva Mutoro” kana kuti “Kutakura Mutoro.”
^ Mashoko aya anoratidza kuti vakapanduka kakawanda.
^ Aya mapango kana kuti simbi dzaishandiswa sezvihuri.
