Isaya 2:1-22
2 Izvi ndizvo zvakaonekwa naIsaya mwanakomana waAmozi pamusoro peJudha neJerusarema:+
2 Mumazuva ekupedzisira,*Gomo reimba yaJehovhaRichanyatsosimbiswa pamusoro pemakomo,+Uye richakwidziridzwa kupfuura zvikomo,Uye marudzi ese achadirana achienda kwariri.+
3 Uye marudzi mazhinji achaenda, oti:
“Uyai, ngatikwirei kugomo raJehovha,Kuimba yaMwari waJakobho.+
Iye achatirayiridza nezvenzira dzake,Uye isu tichafamba mumakwara ake.”+
Nekuti mutemo* uchabuda muZiyoni,Uye shoko raJehovha richabuda muJerusarema.+
4 Achapa mutongo pakati pemarudziOruramisa* zvinhu pakati pemarudzi mazhinji.
Vachapfura mapakatwa avo kuti ave miromo yemagejoNemapfumo avo kuti ave mapanga ekuchekerera miti.+
Rudzi haruzosimudziri rumwe rudzi bakatwa,Uye havazodzidzi kurwa zvakare.+
5 Haiwa imba yaJakobho, uyai,Ngatifambei muchiedza chaJehovha.+
6 Nekuti makasiya vanhu venyu, iyo imba yaJakobho,+Nekuti vazara nezvinhu zvinobva kuMabvazuva;Vanoita zvemashiripiti+ sevaFiristiya,Uye vazere nevana vevanhu vekune dzimwe nyika.
7 Nyika yavo yakazara nesirivha negoridhe,Uye pfuma yavo haiperi.
Nyika yavo yakazara nemabhiza,Uye ngoro dzavo hadziperi.+
8 Nyika yavo yakazara navanamwari vasina zvavanobatsira.+
Vanokotamira basa remaoko avo,Zvinhu zvakagadzirwa neminwe yavo.
9 Saka munhu anozvideredza, odzika pasi,Uye hazviiti kuti muvaregerere.
10 Pinda mudombo uye hwanda muguruvaNemhaka yekutyisa kwaJehovhaUye kubwinya kwake kukuru.+
11 Maziso emunhu anozvikudza achaderedzwa,Uye vanhu vanodada vachadzikiswa pasi.*
Jehovha chete ndiye achakwidziridzwa zuva iroro.
12 Nekuti izuva raJehovha wemauto.+
Riri kuuya pamunhu wese anozvikudza uye anozvionera pamusoro,Pamunhu wese pasinei nekuti akakwirira kana kuti akaderera,+
13 Pamisidhari yese yekuRebhanoni mirefu uye yakakwiriraNepamiti yese yemioku yekuBhashani,
14 Pamakomo ese marefuNepazvikomo zvese zvakakwirira,
15 Pashongwe yese yakakwirira neparusvingo rwese rwakasimba,
16 Pangarava dzese dzeTashishi+Nepazvikepe zvese zvakanaka.
17 Munhu anozvikudza achaderedzwa,Uye vanhu vanodada vachadzikiswa pasi.*
Jehovha chete ndiye achakwidziridzwa zuva iroro.
18 Vanamwari vasina zvavanobatsira vachanyangarika zvachose.+
19 Vanhu vachapinda mumapako ematomboNemumakomba ari pasi,+Nemhaka yekutyisa kwaJehovhaUye kubwinya kwake kukuru,+Panguva yaanosimuka kuti adederese nyika nekutya.
20 Pazuva iroro varume vachatora vanamwari vavo vasina zvavanobatsira vesirivha negoridheAvo vavakagadzira kuti vavakotamireVovakandira kumidune* nezviremwaremwa,+
21 Kuti vapinde mumakomba ari mumatomboUye mumikaha yemabwe,Nemhaka yekutyisa kwaJehovhaUye kubwinya kwake kukuru,Paanosimuka kuti adederese nyika nekutya.
22 Kuti zvikunakirei, regai kuvimba nemunhuwo zvakeUyo anongovawo mhepo yekufema iri mumhino dzake.*
Nei achifanira kufungwa nezvake?
Mashoko Emuzasi
^ Kana kuti “Pakunopera kwemazuva acho.”
^ Kana kuti “murayiro.”
^ Kana kuti “Ogadzirisa.”
^ Kana kuti “vachaninipiswa.”
^ Kana kuti “vachaninipiswa.”
^ Utwu tumbeva tunodya zvakanyanya.
^ Kana kuti “Uyo ane mhepo yake yekufema mumhino dzake.”
