Mapisarema 114:1-8
114 Israeri paakabuda muIjipiti,+Imba yaJakobho payakabva pakati pevanhu vaitaura mumwe mutauro,
2 Judha akava nzvimbo yake tsvene,Israeri akava nyika yake yaaitonga.+
3 Gungwa rakazviona rikatiza;+Jodhani rwakadzokera shure.+
4 Makomo akasvetuka-svetuka semakondohwe,+Zvikomo, semakwayana.
5 Chii chakaita kuti utize, nhai iwe gungwa?+
Ko iwe Jodhani, wakadzokererei shure?+
6 Ko imi makomo, neiko makasvetuka-svetuka semakondohwe,Nemi zvikomo, makasvetukireiko semakwayana?
7 Dedera, iwe nyika, nemhaka yaIshe,Nemhaka yaMwari waJakobho,+
8 Uyo anochinja dombo kuti rive dziva rizere tsanga,Dombo rakaomarara rive zvitubu zvemvura.+
