Mapisarema 16:1-11
Miktamu* yaDhavhidhi.
16 Ndidzivirireiwo Mwari, nekuti ndakapotera kwamuri.+
2 Ndakati kuna Jehovha: “Ndimi Jehovha, munoita kuti ndive akanaka.
3 Uye vatsvene vari munyika,Vaya vanokudzwa, vanoita kuti ndifare kwazvo.”+
4 Vaya vanotevera vamwe vanamwari vanozviwedzera marwadzo.+
Handizombodururi mipiro yavo yezvinwiwa yeropa,Uye miromo yangu haizombotauri mazita avo.+
5 Jehovha ndiye nhaka yangu, mugove wangu,+ uye kapu yangu.+
Munochengetedza nhaka yangu.
6 Ndakayererwa nzvimbo dzinofadza.
Ndinogutsikana nenhaka yangu.+
7 Ndicharumbidza Jehovha, uyo akandipa zano.+
Kunyange usiku, pfungwa dzangu dzakadzama* dzinondiruramisa.+
8 Ndinoita kuti Jehovha agare ari pamberi pangu.+
Handizombozununguswi* nekuti ari kuruoko rwangu rwerudyi.+
9 Saka mwoyo wangu unopembera, ndinonzwa kufara.
Uye ndinogara ndakachengeteka.
10 Nekuti hamuzondisiyi* muGuva.*+
Hamuzoregi munhu wenyu akavimbika achiona gomba.*+
11 Munoita kuti ndizive gwara reupenyu.+
Pamberi penyu* pane mufaro mukuru;+Kuruoko rwenyu rwerudyi kune mufaro nekusingaperi.
Mashoko Emuzasi
^ Ona Tsanangudzo Yemashoko.
^ ChiHeb., “itsvo dzangu.”
^ Kana kuti “Handizombodzedzereki.”
^ Kana kuti “hamuzosiyi mweya wangu.”
^ Kana kuti “muSheori.” Ona Tsanangudzo Yemashoko.
^ Dzimwe shanduro dzinoti, “achiona kuora.”
^ ChiHeb., “Pane chiso chenyu.”
