Mapisarema 73:1-28
Rwiyo rwaAsafi.+
73 Zvechokwadi Mwari akanaka kuvaIsraeri, vaya vane mwoyo yakachena.+
2 Asi ini, tsoka dzangu dzakanga dzava kuda kutsauka;Tsoka dzangu dzakapotsa dzatsvedza.+
3 Nekuti ndakaitira shanje vanozvikudza*Pandaiona rugare rwevanhu vakaipa.+
4 Nekuti havafi vachirwadziwa;Miviri yavo ine utano.*+
5 Havanetseki sezvinoita vamwe vanhu,+Kana kutambura sevamwe vanhu.+
6 Saka kuzvikudza ndicho chishongo chavo chemuhuro;+Vanogara vakapfeka mabasa emhirizhonga.
7 Maziso avo akazvimba nekukora;Vakapfuura zvingafungidzirwa nemwoyo.
8 Vanotsvinya uye vanotaura zvakaipa.+
Vanotaura nezvekudzvinyirira kwavo vachizvikudza.+
9 Vanoita sevari kutaura vari kudenga,Uye vanofamba panyika rurimi rwavo ruchitaura chero zvavada.
10 Saka vanhu vake vanotsaukira kwavari,Uye vanonwa mvura yavo yakawanda.
11 Vanoti: “Mwari angazviziva sei?+
Wekumusorosoro ane zvaanoziva here?”
12 Ava ndivo vakaipa, vasina kana zvinombovanetsa.+
Vanoramba vachiwedzera pfuma yavo.+
13 Chokwadi hapana zvazvinobatsira kuchengeta kwandakaita mwoyo wangu wakachenaUye kugeza kwandakaita maoko angu kuti ndisava nemhosva.+
14 Uye ndaiswera ndichitambudzika;+Ndaitsiurwa mangwanani ega ega.+
15 Asi dai ndakanga ndataura zvinhu izviNdingadai ndakaodza mwoyo vanhu venyu.*
16 Pandakaedza kuzvinzwisisa,Zvainditambudza
17 Kusvikira ndapinda munzvimbo tsvene yaMwari,Uye ndanzwisisa ramangwana ravo.
18 Chokwadi munovaisa panotsvedza.+
Munoita kuti vadonhe voparara.+
19 Vanoparadzwa vasingafungiri!+
Mugumo wavo wakaipa unosvika vasingafungiri!
20 Sezvinoitika panopepuka munhu anga achirota, haiwa Jehovha,Pamunomuka, muchadzinga mufananidzo wavo pamberi penyu.
21 Asi mwoyo wangu wakarwadziwa,+Uye ndaidzimbikana mukatikati mangu.
22 Ndakanga ndisingafungi uye ndisinganzwisisi;Ndaiita semhuka isina pfungwa pamberi penyu.
23 Asi iye zvino ndinoramba ndiinemi;Makabata ruoko rwangu rwerudyi.+
24 Munonditungamirira nezano renyu,+Uye pashure paizvozvo munonditungamirira kuti ndikudzwe.+
25 Ndiani wandiinaye kumatenga?
Uye kunze kwenyu hapana chimwe chandinofarira panyika.+
26 Muviri wangu nemwoyo wangu zvingaparara,Asi Mwari idombo remwoyo wangu uye mugove wangu nekusingaperi.+
27 Chokwadi vese vanoramba vari kure nemi vachaparara.
Muchagumisa* munhu wese anoita unzenza hwekukusiyai.*+
28 Asi kana ndiri ini, kuswedera pedyo naMwari kwakandinakira.+
Ndakaita kuti Changamire Ishe Jehovha ave nzvimbo yangu yekupotera,Kuti ndizivise mabasa enyu ese.+
Mashoko Emuzasi
^ Kana kuti “vanozvirumbidza.”
^ Kana kuti “Vane matumbu akakora.”
^ ChiHeb., “chizvarwa chevanakomana venyu.”
^ ChiHeb., “Muchanyararidza.”
^ Kana kuti “asina kutendeka anokusiyai.”
