Rwiyo rwaSoromoni 7:1-13
7 “Tsoka dzako dzakanaka chaizvo dziri mushangu dzako,Iwe mwanasikana anoremekedzwa!
Zvidya zvako zvakaumbika sezvishongo,Basa remaoko emhizha.
2 Guvhu rako rakaita sendiro yeraundi.
Waini yakasanganiswa ngairege kushayikwa pariri.
Dumbu rako rakaita semurwi wegorosi,Wakatenderedzwa nemaruva.
3 Mazamu ako maviri akaita setsvana mbiri dzemhara,Vana vemhara vanoberekwa panguva imwe chete.+
4 Mutsipa wako+ wakaita seshongwe yenyanga dzenzou.+
Maziso ako+ akaita semadziva ari muHeshbhoni,+Ari pedyo negedhi reBhati-rabhimu.
Mhino yako yakaita seshongwe yekuRebhanoni,Yakatarisa kuDhamasiko.
5 Musoro wako unokushongedza korona seKameri,+Uye bvudzi rako rakaita*+ seshinda yepepuru.+
Mambo anotorwa mwoyo nekuyerera kwarinoita.
6 Wakanaka chaizvo, uye unofadza,Iwe musikana anodiwa, kupfuura zvinhu zvese zvinofadza kwazvo!
7 Chimiro chako chakaita semuchindwe,Uye mazamu ako akaita semasumbu emichero yemichindwe.+
8 Ndakati, ‘Ndichakwira mumuchindweKuti ndibate mapazi awo ane michero.’
Mazamu ako ngaaite semasumbu emazambiringa,Kufema kwako ngakunhuhwirire semaapuro,
9 Uye muromo wako* sewaini yakanaka kwazvo.”
“Ngaidzike ichitsvedzerera nekuda kwemudiwa wangu,Ichiyerera zvinyoronyoro pamiromo yevakarara.
10 Ndiri wemudiwa wangu,+Uye iye anondirwarira.
11 Uya, iwe mudiwa wangu,Handei kumasango;Ngatigarei pakati pemihena.+
12 Ngatimukirei tiende kuminda yemizambiringa,Tinoona kana mizambiringa yakatungira,Kana maruva akatumbuka,+Kana mipomegraneti yava nemaruva.+
Ndichakuratidza kuti ndinokuda sei tiri ikoko.+
13 Mamandireki+ ari kunzwika kunhuhwirira kwawo;Pamasuo edu pane michero yakasiyana-siyana yakanakisisa.+
Mudiwa wangu, ndakuchengeteraIchangobva kutemhwa neyakatemhwa kare.
