Zvirevo 2:1-22
2 Mwanakomana wangu, kana ukagamuchira zvandinotaura,Wochengeta mirayiro yangu,+
2 Uchinyatsoita kuti nzeve yako iteerere uchenjeri+Uye mwoyo wako ude ungwaru;+
3 Uyezve, kana ukachemera kunzwisisa+Uye ukashevedzera kuti uwane ungwaru;+
4 Kana ukaramba uchizvitsvaga sesirivha+Uye ukaramba uchizvitsvaga sepfuma yakavanzwa;+
5 Uchabva wanzwisisa kutya Jehovha,+Uye uchawana ruzivo pamusoro paMwari.+
6 Nekuti Jehovha pachake anopa uchenjeri;+Mumuromo make munobuda ruzivo neungwaru.
7 Anochengetera vanhu vakarurama uchenjeri hunobatsira;Iye inhoo yevaya vanofamba vakaperera kwaari.+
8 Anorinda makwara ekururama,Uye acharinda nzira yevanhu vake vakavimbika.+
9 Uchabva wanzwisisa chinonzi kururama, kutonga zvakarurama, uye kusasarura,Nzira yezvinhu zvese zvakanaka.+
10 Uchenjeri pahunopinda mumwoyo mako+Uye ruzivo parunofadza mweya* wako,+
11 Kukwanisa kunyatsofunga kucharamba kuchikurinda,+Uye ungwaru huchakuchengetedza,
12 Kuti zvikuponese panzira yakaipa,Pamunhu anotaura zvinhu zvakatsauka,+
13 Pavaya vanosiya makwara ekururamaVachifamba munzira dzerima,+
14 Pavaya vanofadzwa nekuita zvisina kunaka,Vanonakidzwa nezvinhu zvakatsauka, zvakaipa,
15 Vaya vane nzira dzisina kururamaUye vanonyengera mumakwara avo ese.
16 Zvichakuponesa pamukadzi asingazvibati,*Pamashoko anotapira* emukadzi nzenza,*+
17 Anosiya shamwari yake yepedyo yeudiki*+Uye anokanganwa sungano yaMwari wake;
18 Nekuti imba yake inonyura ichipinda murufu,Uye nzira* dzake dzinoenda kune vaya vasina simba vari murufu.+
19 Hapana vanorara naye* vanozodzoka,Uye havazowani makwara eupenyu.+
20 Saka tevera nzira yevanhu vakanakaUye ramba uri mumakwara evakarurama,+
21 Nekuti vakarurama chete ndivo vachagara panyika,Uye vasina chavanopomerwa* vacharamba vari pairi.+
22 Kana vari vakaipa vachaparadzwa panyika,+Uye vanyengeri vachabviswa pairi.+
Mashoko Emuzasi
^ Ona Tsanangudzo Yemashoko.
^ ChiHeb., “wausingazivi.” Zvinoratidza sekuti pari kutaurwa nezvemukadzi ane tsika dzinovengwa naMwari.
^ Kana kuti “anokwezva.”
^ ChiHeb., “mutorwa.” Zvinoratidza sekuti pari kureva mukadzi mutorwa asina ukama naMwari.
^ Kana kuti “murume wake weudiki.”
^ ChiHeb., “makwara.”
^ ChiHeb., “vanopinda maari.”
^ Kana kuti “vanoramba vakaperera.”
