Enda pane zvauri kuda

Enda pakanzi zviri mukati

Pinda (opens new window)

Zvapupu zvaJehovha

Sarudza Mutauro Shona Pinda (opens new window)

SARUDZA MUTAURO

PFUMA IRI MUSHOKO RAMWARI | JOBHO 16-20

Simbisa Uye Kurudzira Vamwe Nemashoko Ane Mutsa

PLAY

Simbisa Uye Kurudzira Vamwe Nemashoko Ane Mutsa

Munhu anenge achipa mazano anofanira kutaura mashoko anosimbisa vamwe

Jobho ainge akaora mwoyo uye achirwadziwa, saka aida kusimbiswa uye kukurudzirwa nevamwe
Shamwari nhatu dzaJobho hadzina zvadzakataura kuti dzimunyaradze. Dzakatomupomera mhosva zvikaita kuti awedzere kuzvidya mwoyo

Mashoko anorwadza aBhiridhadhi akaita kuti Jobho ashevedzere achishungurudzika

Jobho akashevedzera kuna Mwari kuti awane zororo, kunyange kutofa chaiko
Jobho akaisa pfungwa dzake patariro yerumuko uye akaramba achitsungirira akatendeka

VANHU VAIPOMERA JOBHO

Erifazi:

Anofanira kunge aibva kuTemani, munyika yeEdhomu. Pana Jeremiya 49:7 panoratidza kuti vanhu vakachenjera vemuEdhomu vaiwanika kuTemani
Erifazi anofanira kunge aiva mukuru kupfuura dzimwe shamwari mbiri dzenhema dzaJobho, uye ndiye akatanga kutaura. Akataura katatu uye ndiye akataura zvakawanda kupfuura vamwe vaviri vaaiva navo

Nhema dzaakapomera Jobho:

Akashora kuperera kwainge kwakaita Jobho uye akataura kuti Mwari haavimbi nevashumiri vake (Job 4, 5)
Akati Jobho aizvikudza uye aiva munhu akaipa asingatyi Mwari (Job 15)
Akapomera Jobho kuti aiva nemakaro uye aisaita zvakarurama uye akataura kuti munhu haana chaanobatsira kuna Mwari (Job 22)

Bhiridhadhi:

Aiva wedzinza raShua. Anogona kunge aigara pedyo neRwizi rwaYufratesi
Ndiye akataura pechipiri. Akataura katatu, uye zvaakataura zvaiva zvishoma uye zvichirwadza kupfuura zvaErifazi

Nhema dzaakapomera Jobho:

Akapa pfungwa yekuti vanakomana vaJobho vainge vatadzira Mwari ndokusaka vakawirwa nedambudziko uyewo kuti Jobho aisada Mwari (Job 8)
Akapa pfungwa yekuti Jobho aiita zvivi (Job 18)
Akapa pfungwa yekuti kuperera kwemunhu kuna Mwari kwaiva kupedza nguva (Job 25)

Zofari:

Aiva muNaama, uye anofanira kunge aibva nechekuchamhembe kweArabhiya
Ndiye akataura pechitatu, uye zvaakataura zvairwadza kupfuura zvainge zvataurwa nevamwe vake. Akangotaura kaviri chete

Nhema dzaakapomera Jobho:

Akapomera Jobho kuti ainge ataura zvisina musoro uye akamuudza kuti arege zvakaipa zvaaiita (Job 11)
Akapa pfungwa yekuti Jobho aiva munhu akaipa ainakidzwa nekuita zvivi (Job 20)

PUROGIRAMU YEUSHUMIRI HWEDU UYE KURARAMA KWECHIKRISTU

Simbisa Uye Kurudzira Vamwe Nemashoko Ane Mutsa

Shona

Simbisa Uye Kurudzira Vamwe Nemashoko Ane Mutsa

https://cms-imgp.jw-cdn.org/img/p/202016123/univ/art/202016123_univ_sqr_xl.jpg

Copied

Tumira vamwe neEmail